yar mera juda nahin mujhse

yaar merā judā nahīñ mujh se

duur merā ḳhudā nahīñ mujh se

dil pe mere likhā hai il-lallāh

rāz-e-maulā chhupā nahīñ mujh se

be-ḳhudī se huā huuñ dīvāna

dosto kuchh gilā nahīñ mujh se

to ne kuchh chāra dard ulfat kā

ai masīhā kahāñ nahīñ mujh se

yaar se ho ga.ī jo shab-e-ḳhalvat

sirr-e-maḳhfī chhupā nahīñ mujh se

roz-e-mīsāq terā hamdam thā

be-vafā kyuuñ milā nahīñ mujh se

'umr-bhar royā jis ke 'ishq meñ meñ

yaar dam-bhar hañsā nahīñ mujh se

zulf ke pech meñ phañsā aisā

duur hotī balā nahīñ mujh se

silsile meñ abbū turāb ke huuñ

duur kuchh mustafā nahīñ mujh se

hai chhupā kaun shakl-e-insāñ meñ

yaar giroh milā nahīñ mujh se

kHvāja-e-chisht 'āshiq' apne hai saath

vo judā kuchh huā nahīñ mujh se

yar mera juda nahin mujh se

dur mera KHuda nahin mujh se

dil pe mere likha hai il-lallah

raaz-e-maula chhupa nahin mujh se

be-KHudi se hua hun diwana

dosto kuchh gila nahin mujh se

to ne kuchh chaara dard ulfat ka

ai masiha kahan nahin mujh se

yar se ho gai jo shab-e-KHalwat

sirr-e-maKHfi chhupa nahin mujh se

roz-e-misaq tera hamdam tha

be-wafa kyun mila nahin mujh se

'umr-bhar roya jis ke 'ishq mein mein

yar dam-bhar hansa nahin mujh se

zulf ke pech mein phansa aisa

dur hoti bala nahin mujh se

silsile mein abbu turab ke hun

dur kuchh mustafa nahin mujh se

hai chhupa kaun shakl-e-insan mein

yar giroh mila nahin mujh se

kHwaja-e-chisht 'ashiq' apne hai sath

wo juda kuchh hua nahin mujh se