kunto kanzan makHfiyan se ye bayan paida hua

kunto kanzan makHfiyan se ye bayāñ paidā huā

jism meñ mahmūd ke ḳhud jān-e-jāñ paidā huā

shaan meñ aayā hai jis ke saaf lau-lāk lamā

vo shahanshāh-e-zamīn-o-āsmāñ paidā huā

nuqta-e-sirr-e-vujūd-o-'ilm aur nūr-o-shuhūd

'ishq ban kar dā.ira ke darmiyāñ paidā huā

khul ga.ī mujh par haqīqat se mohammad kī ye ramz

zaat se mahmūd kī saarā jahāñ paidā huā

shash jihat ke ā.īnoñ meñ 'aks hai jis shaḳhs kā

ḳhud makīñ kī shakl meñ vo lā-makāñ paidā huā

tuḳhm-e-hastī se jo nikle ban ke ham ulTe shajar

gulshan a'ayāñ kā apne bāġhbāñ paidā huā

dekh lo mahmūd kī hai ḳhud mohammad kā shabīh

aaj phir ahmad sū-e-hindostāñ paidā huā

ban gayā vājib se mumkin 'ishq meñ jis kā vujūd

vo vujūd be-nishān ḳhud bā-nishāñ paidā huā

sūrat ijmāl vahāñ kī ban ke tafsīl aa ga.ī

thā jo bātin meñ vahī zāhir meñ yahāñ paidā huā

ganj-e-maḳhfī meñ sadā be-saut jis kī sunte the

ḳhud zabāñ ban ke vo yār-e-be-zabāñ paidā huā

apnī ulTī putliyoñ se dekh lo us kā maqām

ab tasavvur kā hamāre dīdbāñ paidā huā

har nafas aatī hai kānoñ meñ jo āvāz-e-jaras

aaj gujrātī amīr-e-kārvāñ paidā huā

aa gayā chūñ-o-charā meñ ganj-e-maḳhfī se jo yahāñ

sirr-e-zāt-e-be-chagoñ kā ramz-dāñ paidā huā

sirr-e-bātin kī haqīqat pūchhiye us piir se

ye miyāñ mahmūd achchhā ġhaib-dāñ paidā huā

shah nasīruddīñ charāġh-e-dehlavī ke nuur se

chishtiyoñ apnā charāġh-e-dūdmāñ paidā huā

kyuuñ na raushan ho shabistāñ kamāluddīñ ki aaj

un ke ghar meñ āftāb-e-ḳhāndāñ paidā huā

'āshiq-e-ḳhvāja mu’īnuddīñ mubārak ho tujhe

piir terā nūr-e-chashm-e-kHvājgāñ paidā huā

kunto kanzan makHfiyan se ye bayan paida hua

jism mein mahmud ke KHud jaan-e-jaan paida hua

shan mein aaya hai jis ke saf lau-lak lama

wo shahanshah-e-zamin-o-asman paida hua

nuqta-e-sirr-e-wujud-o-'ilm aur nur-o-shuhud

'ishq ban kar daira ke darmiyan paida hua

khul gai mujh par haqiqat se mohammad ki ye ramz

zat se mahmud ki sara jahan paida hua

shash jihat ke aainon mein 'aks hai jis shaKHs ka

KHud makin ki shakl mein wo la-makan paida hua

tuKHm-e-hasti se jo nikle ban ke hum ulTe shajar

gulshan a'ayan ka apne baghban paida hua

dekh lo mahmud ki hai KHud mohammad ka shabih

aaj phir ahmad su-e-hindostan paida hua

ban gaya wajib se mumkin 'ishq mein jis ka wujud

wo wujud be-nishan KHud ba-nishan paida hua

surat ijmal wahan ki ban ke tafsil aa gai

tha jo baatin mein wahi zahir mein yahan paida hua

ganj-e-maKHfi mein sada be-saut jis ki sunte the

KHud zaban ban ke wo yar-e-be-zaban paida hua

apni ulTi putliyon se dekh lo us ka maqam

ab tasawwur ka hamare didban paida hua

har nafas aati hai kanon mein jo aawaz-e-jaras

aaj gujraati amir-e-karwan paida hua

aa gaya chun-o-chara mein ganj-e-maKHfi se jo yahan

sirr-e-zat-e-be-chagon ka ramz-dan paida hua

sirr-e-baatin ki haqiqat puchhiye us pir se

ye miyan mahmud achchha ghaib-dan paida hua

shah nasiruddin charagh-e-dehlawi ke nur se

chishtiyon apna charagh-e-dudman paida hua

kyun na raushan ho shabistan kamaluddin ki aaj

un ke ghar mein aaftab-e-KHandan paida hua

'ashiq-e-KHwaja mu’inuddin mubarak ho tujhe

pir tera nur-e-chashm-e-kHwajgan paida hua