aashiqo panw na ukhDe wahin Thahre rahna

āshiqo paañv na ukhḌe vahīñ Thahre rahnā

parda uThtā hai ruḳh-e-yār se sambhle rahnā

arsh par se bhī tumheñ khīñch ke le aa.egī

kashish-e-āshiq-e-be-tāb se bachte rahnā

taḌap uTThā dil-e-betāb kisī āshiq kā

ye mirā farz hai kah detā huuñ bachte rahnā

Duub kar bahr-e-mohabbat meñ nikalnā kaisā

paar hone kī tamannā hai to Duube rahnā

ma.arke se nahīñ haTtā koī āshiq pīchhe

sar hathelī pe dhare aage hī baḌhte rahnā

nazar ā-jā.e jo vo tauba-shikan ai 'akbar'

dil ko hāthoñ se dabā.e hue baiThe rahnā

aashiqo panw na ukhDe wahin Thahre rahna

parda uThta hai ruKH-e-yar se sambhle rahna

arsh par se bhi tumhein khinch ke le aaegi

kashish-e-ashiq-e-be-tab se bachte rahna

taDap uTTha dil-e-betab kisi aashiq ka

ye mera farz hai kah deta hun bachte rahna

Dub kar bahr-e-mohabbat mein nikalna kaisa

par hone ki tamanna hai to Dube rahna

marke se nahin haTta koi aashiq pichhe

sar hatheli pe dhare aage hi baDhte rahna

nazar aa-jae jo wo tauba-shikan ai 'akbar'

dil ko hathon se dabae hue baiThe rahna