dil ki har ek baat man dil pe koi jafa na kar

dil kī har ek baat maan dil pe koī jafā na kar

dil hai guzar-gah-e-habīb us ko kabhī ḳhafā na kar

'ishq kī aabrū na kho husn kī be-ruḳhī na dekh

apnī vafā pe rakh nazar un kā kabhī gilā na kar

saaqī kī samt kaan rakh zāhid ḳhushk kī na sun

'ishq kā ehtirām siikh 'aql kī iqtidā na kar

zauq-e-nigāh ko na kar marhūn-e-jalva haaye husn

husn kī jalva-gāh dekh jalvoñ pe iktifā na kar

jiine kī aarzū na kar maqsad-e-zindagī samajh

’ishrat-e-ḳhuld ke liye marne kī iltijā na kar

‘ā'zam’-e-kHasta ḳhūgar rañj-o-alam azal se hai

jis se sukūñ nasīb ho aisī koī du'ā na kar

dil ki har ek baat man dil pe koi jafa na kar

dil hai guzar-gah-e-habib us ko kabhi KHafa na kar

'ishq ki aabru na kho husn ki be-ruKHi na dekh

apni wafa pe rakh nazar un ka kabhi gila na kar

saqi ki samt kan rakh zahid KHushk ki na sun

'ishq ka ehtiram sikh 'aql ki iqtida na kar

zauq-e-nigah ko na kar marhun-e-jalwa haye husn

husn ki jalwa-gah dekh jalwon pe iktifa na kar

jine ki aarzu na kar maqsad-e-zindagi samajh

’ishrat-e-KHuld ke liye marne ki iltija na kar

‘a'zam’-e-kHasta KHugar ranj-o-alam azal se hai

jis se sukun nasib ho aisi koi du'a na kar