main jis nigah pe donon jahan war aaya

maiñ jis nigāh pe donoñ jahāñ vaar aayā

use na merī mohabbat pe e'tibār aayā

tire baġhair mujhe ek pal qarār nahīñ

mire baġhair tujhe kis tarah qarār aayā

kisī ko aañkh milāne kā hausla na huā

tumhārī bazm se jo aayā sharmsār aayā

ḳhudā gavāh jahāñ koī ḳhūb-rū dekhā

mirī zabāñ pe tirā naam bār-bār aayā

tumhārā qurb mire dard kā 'ilāj na thā

tumhār paas rah kar kahāñ qarār aayā

kahīñ milī na mujhe merī be-ḳhudī 'āzam'

maiñ is hadd-e-ḳharābāt tak pukār aayā

main jis nigah pe donon jahan war aaya

use na meri mohabbat pe e'tibar aaya

tere baghair mujhe ek pal qarar nahin

mere baghair tujhe kis tarah qarar aaya

kisi ko aankh milane ka hausla na hua

tumhaari bazm se jo aaya sharmsar aaya

KHuda gawah jahan koi KHub-ru dekha

meri zaban pe tera nam bar-bar aaya

tumhaara qurb mere dard ka 'ilaj na tha

tumhaar pas rah kar kahan qarar aaya

kahin mili na mujhe meri be-KHudi 'azam'

main is hadd-e-KHarabaat tak pukar aaya