teri mahfil mein hum aae hain lekar dil ka nazrana

tirī mahfil meñ ham aa.e haiñ lekar dil kā nazrāna

uThā nazreñ pilā sāġhar banā de ham ko dīvāna

sambhālūñ kaise ab dil ko na kyuuñ sajde karauñ dar par

tirī sūrat meñ aatī hai nazar tasvīr jānāna

maiñ jab thā kuchh na thā kuchh bhī sabhī kuchh huuñ nahīñ hokar

nazar aatā hai har-sū merā jalva be-hijābāna

salāt-o-saum ai vaa.iz ibādat aur riyāzat ye

mubārak hoñ tujhe kaafī hai mujh ko chashm-e-jānāna

hai vasl-e-yār hī jannat jise kahte haiñ ai vaa.iz

visāl-e-yār hāsil gar na ho jannat hai vīrāna

nafaḳhtu fiihi min ruuhī batā de itnā bas mujh ko

ye kaisī parda-dārī hai ye kaisā jalva dikhlānā

tire qadmoñ pe jab rakh dī aqīdat se jabīñ apnī

pilā.e jā tū kāvish ko mai-e-irfāñ aaj paimāna

teri mahfil mein hum aae hain lekar dil ka nazrana

uTha nazren pila saghar bana de hum ko diwana

sambhaalun kaise ab dil ko na kyun sajde karaun dar par

teri surat mein aati hai nazar taswir jaanana

main jab tha kuchh na tha kuchh bhi sabhi kuchh hun nahin hokar

nazar aata hai har-su mera jalwa be-hijabana

salat-o-saum ai waiz ibaadat aur riyazat ye

mubarak hon tujhe kafi hai mujh ko chashm-e-jaanana

hai wasl-e-yar hi jannat jise kahte hain ai waiz

visal-e-yar hasil gar na ho jannat hai virana

nafaKHtu fihi min ruhi bata de itna bas mujh ko

ye kaisi parda-dari hai ye kaisa jalwa dikhlana

tere qadmon pe jab rakh di aqidat se jabin apni

pilae ja tu kawish ko mai-e-irfan aaj paimana