hajat haram ki hai na sanam-KHana chahiye

hājat haram kī hai na sanam-ḳhāna chāhiye

zauq-e-sujūd ko dar-e-jānāna chāhiye

dil meñ nahīñ hai koī tamannā na aarzū

bas ek tiir nargis-e-mastāna chāhiye

sūrat meñ us sanam kī ḳhudā ko to pā liyā

ab aur kyā tujhe dil-e-dīvāna chāhiye

uTThī nigāh-e-nāz to rindoñ ne ye kahā

is chashm-e-mast-e-nāz kā paimāna chāhiye

jannat kī aarzū hai na hūroñ kī hai talab

har lamha sāmne rū-e-jānāna chāhiye

be-kār hai ye zohd ye taqvā ki husn ko

sab kuchh luTā de jo vahī dīvāna chāhiye

'kāvish' azal se maiñ huuñ fidā-e-abū-turāb

un ke sivā kisī kā na yārāna chāhiye

hajat haram ki hai na sanam-KHana chahiye

zauq-e-sujud ko dar-e-jaanana chahiye

dil mein nahin hai koi tamanna na aarzu

bas ek tir nargis-e-mastana chahiye

surat mein us sanam ki KHuda ko to pa liya

ab aur kya tujhe dil-e-diwana chahiye

uTThi nigah-e-naz to rindon ne ye kaha

is chashm-e-mast-e-naz ka paimana chahiye

jannat ki aarzu hai na huron ki hai talab

har lamha samne ru-e-jaanana chahiye

be-kar hai ye zohd ye taqwa ki husn ko

sab kuchh luTa de jo wahi diwana chahiye

'kawish' azal se main hun fida-e-abu-turab

un ke siwa kisi ka na yarana chahiye