saqi ne nigahon ke saghar se wo chhalkai

saaqī ne nigāhoñ ke sāġhar se vo chhalkā.ī

rag rag meñ mohabbat kī bajne lagī shahnā.ī

bikhrā.e hue gesū aayā koī mahfil meñ

mai-ḳhāna-e-hastī pe rahmat kī ghaTā chhā.ī

sūkhī huī shāḳhoñ meñ phūTī hai na.ī koñpal

rauñdā huā sabza bhī lene lagā añgḌā.ī

tauhīd kī purvā.ī chalne lagī aalam meñ

sāvan meñ har ik shai ne jiine kī adā paa.ī

har dam dar-e-haidar par faizān kī bārish hai

kahte haiñ miyāñ 'kāvish' barsāt kī rut aa.ī

saqi ne nigahon ke saghar se wo chhalkai

rag rag mein mohabbat ki bajne lagi shahnai

bikhrae hue gesu aaya koi mahfil mein

mai-KHana-e-hasti pe rahmat ki ghaTa chhai

sukhi hui shaKHon mein phuTi hai nai konpal

raunda hua sabza bhi lene laga angDai

tauhid ki purwai chalne lagi aalam mein

sawan mein har ek shai ne jine ki ada pai

har dam dar-e-haidar par faizan ki barish hai

kahte hain miyan 'kawish' barsat ki rut aai