dil jigar ko ashana-e-dard-e-ulfat kar diya

dil jigar ko ashānā-e-dard-e-ulfat kar diyā

ik nigāh-e-nāz ne sāmān-e-rāhat kar diyā

DhūñDhtā phirtā thā tujh ko jā-bajā ai yaar maiñ

vo pilā.ī tū ne mujh ko rāz-e-vahdat kar diyā

chashm-e-nargis kā ishāra pā ke ham ne ai sanam

ḳhūn-e-dil ḳhūn-e-tamannā ḳhūn-e-hasrat kar diyā

vaqf har ik saañs kar dī zikr-e-jānāñ ke liye

dil kī dhaḌkan ko ham-āhañg-e-ulfat kar diyā

dekhiye tū har taraf rañgīniyāñ haiñ husn kī

zindagī ko ishq ne āġhosh-e-jannat kar diyā

dekhte hī dekhte gum hoga.ī kul kā.enāt

har tasavvur ham ne 'kāvish' vaqf-e-sūrat kar diyā

dil jigar ko ashana-e-dard-e-ulfat kar diya

ek nigah-e-naz ne saman-e-rahat kar diya

DhunDhta phirta tha tujh ko ja-baja ai yar main

wo pilai tu ne mujh ko raaz-e-wahdat kar diya

chashm-e-nargis ka ishaara pa ke hum ne ai sanam

KHun-e-dil KHun-e-tamanna KHun-e-hasrat kar diya

waqf har ek sans kar di zikr-e-jaanan ke liye

dil ki dhaDkan ko ham-ahang-e-ulfat kar diya

dekhiye tu har taraf ranginiyan hain husn ki

zindagi ko ishq ne aaghosh-e-jannat kar diya

dekhte hi dekhte gum hogai kul kaenat

har tasawwur hum ne 'kawish' waqf-e-surat kar diya