muskura kar usne jab ulTi naqab

muskurā kar us ne jab ulTī naqāb

uTh ga.e nazroñ pe jitne the hijāb

chashm-e-maigūñ se pilā kar be-hisāb

dīn-o-īmāñ ko kiyā mere ḳharāb

ḳhalvat-e-dil meñ jigar meñ āj-kal

karvaTeñ letā hai vo mast-e-shabāb

kis ko fursat bandagī kī ab yahāñ

rū-e-jānāñ sāmne hai be-hijāb

thā karam jo ḳhud se vābasta kiyā

varna tum bahr-e-haqīqat meñ habāb

chuTkiyāñ le le ke 'kāvish' naaz se

chheḌtā hai vo mere dil kā rubāb

muskura kar us ne jab ulTi naqab

uTh gae nazron pe jitne the hijab

chashm-e-maigun se pila kar be-hisab

din-o-iman ko kiya mere KHarab

KHalwat-e-dil mein jigar mein aaj-kal

karwaTen leta hai wo mast-e-shabab

kis ko fursat bandagi ki ab yahan

ru-e-jaanan samne hai be-hijab

tha karam jo KHud se wabasta kiya

warna tum bahr-e-haqiqat mein habab

chuTkiyan le le ke 'kawish' naz se

chheDta hai wo mere dil ka rubab