lekar jahan ke husn ko shams-o-qamar ko kya karun

lekar jahāñ ke husn ko shams-o-qamar ko kyā karūñ

mujh ko to tum pasand apnī nazar ko kyā karūñ

pahlū meñ apne dil ko meñ yuuñ to sambhālūñ magar

abrū us kī kaTār ko tīr-e-nazar ko kyā karūñ

vaa.iz zarā to ġhaur kar ka.aba to hai ḳhudā kā ghar

martā huuñ ik sanam pe maiñ jākar udhar ko kyā karūñ

hastī meñ apnī gum huuñ maiñ chhā.ī huī hai be-ḳhudī

zāhid batā to ab mujhe shām-o-sahar ko kyā karūñ

sher-e-ḳhudā kā huuñ gadā kaafī hai mujh ko bas yahī

'kāvish' maiñ tāj-o-taḳht ko māl-o-guhar ko kyā karūñ

lekar jahan ke husn ko shams-o-qamar ko kya karun

mujh ko to tum pasand apni nazar ko kya karun

pahlu mein apne dil ko mein yun to sambhaalun magar

abru us ki kaTar ko tir-e-nazar ko kya karun

waiz zara to ghaur kar kaba to hai KHuda ka ghar

marta hun ek sanam pe main jakar udhar ko kya karun

hasti mein apni gum hun main chhai hui hai be-KHudi

zahid bata to ab mujhe sham-o-sahar ko kya karun

sher-e-KHuda ka hun gada kafi hai mujh ko bas yahi

'kawish' main taj-o-taKHt ko mal-o-guhar ko kya karun