kitna shadid gham hai ki ehsas gham nahin

kitnā shadīd ġham hai ki ehsās ġham nahīñ

kaise kahūñ ki aap kā mujh pe karam nahīñ

manzil mujhe mile na mile is kā ġham nahīñ

tum sāth-sāth ho mire ye bhī to kam nahīñ

ai aane vaale apnī jabīñ ko jhukā ke aa

ye āstān-e-yār hai dair-o-haram nahīñ

us rāste meñ sar ko jhukānā harām hai

jis rāste meñ yaar kā naqsh-e-qadam nahīñ

jhuktī hai kā.ināt bhī merī majāl kyā

sar kaun sā hai jo terī chaukhaT pe ḳham nahīñ

'nashtar' kā dil hai apne gunāhoñ pe mutma.in

vo aur hoñge jin ko umīd-e-karam nahīñ

kitna shadid gham hai ki ehsas gham nahin

kaise kahun ki aap ka mujh pe karam nahin

manzil mujhe mile na mile is ka gham nahin

tum sath-sath ho mere ye bhi to kam nahin

ai aane wale apni jabin ko jhuka ke aa

ye aastan-e-yar hai dair-o-haram nahin

us raste mein sar ko jhukana haram hai

jis raste mein yar ka naqsh-e-qadam nahin

jhukti hai kainat bhi meri majal kya

sar kaun sa hai jo teri chaukhaT pe KHam nahin

'nashtar' ka dil hai apne gunahon pe mutmain

wo aur honge jin ko umid-e-karam nahin