Sufinama

abru ne chashm-e-naz ne mizhgan-e-yar ne

Aughat Shah Warsi

abru ne chashm-e-naz ne mizhgan-e-yar ne

Aughat Shah Warsi

MORE BYAughat Shah Warsi

    abrū ne chashm-e-nāz ne mizhgān-e-yār ne

    ghāyal kiyā mujhe inhīñ do-tīn-chār ne

    vaa.iz ġharaz ye thī ki dar-e-but-kada pe ham

    dar-parda kal ga.e the kisī ko pukārne

    āshiq hazāroñ sūrat-e-parvāna gir paḌe

    ulTī naqāb ruḳh se jo mahfil meñ yaar ne

    saudā rahā ki ishq-e-butāñ meñ hai fā.eda

    ham ko kiyā tabāh isī kār-o-bār ne

    kyuuñ bār-bār jaa.eñ na ham kū-e-yār meñ

    majbūr kar diyā hai dil-e-be-qarār ne

    lāzim nahīñ buto tumheñ da.avā ḳhudā.ī

    paidā kiyā hai is liye kyā kirdgār ne

    majbūr ho ke baiTh rahe kū-e-yār meñ

    ham ko javāb de diyā jab iḳhtiyār ne

    dil bahr-e-nazr yaar ke aage jo le ga.e

    bolā ki aap laa.e haiñ sadqa utārne

    sahrā meñ Thahre aur kabhī dasht meñ phire

    ham ko dikhā.ī sair ye fasl-e-bahār ne

    'aughat' ġhurūr kyuuñ na butoñ ko ho is qadar

    un ko hasīñ banāyā hai parvardigār ne

    abru ne chashm-e-naz ne mizhgan-e-yar ne

    ghayal kiya mujhe inhin do-tin-chaar ne

    waiz gharaz ye thi ki dar-e-but-kada pe hum

    dar-parda kal gae the kisi ko pukarne

    aashiq hazaron surat-e-parwana gir paDe

    ulTi naqab ruKH se jo mahfil mein yar ne

    sauda raha ki ishq-e-butan mein hai faeda

    hum ko kiya tabah isi kar-o-bar ne

    kyun bar-bar jaen na hum ku-e-yar mein

    majbur kar diya hai dil-e-be-qarar ne

    lazim nahin buto tumhein dawa KHudai ka

    paida kiya hai is liye kya kirdgar ne

    majbur ho ke baiTh rahe ku-e-yar mein

    hum ko jawab de diya jab iKHtiyar ne

    dil bahr-e-nazr yar ke aage jo le gae

    bola ki aap lae hain sadqa utarne

    sahra mein Thahre aur kabhi dasht mein phire

    hum ko dikhai sair ye fasl-e-bahaar ne

    'aughat' ghurur kyun na buton ko ho is qadar

    un ko hasin banaya hai parwardigar ne

    Source :
    • Book : Faizan-e-Warsi Al-Maruf Zamzama-e-Qawwali (Pg. 16)
    • Author : Aughat Shah Warsi
    • Publication : Jayyad Barqi Press, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now