jahan-e-gham mein jise be-qarar dekha hai

jahān-e-ġham meñ jise be-qarār dekhā hai

asīr-e-kashmakash-e-intizār dekhā hai

harīs hai nigah-e-shauq kis qadar ki unheñ

bachā bachā ke nazar bār-bār dekhā hai

chubhī haiñ siine meñ jiine kī hasrateñ kyā kyā

kisī ne jab hameñ begāna-vār dekhā hai

samajh meñ aa na sake mo.ajize mohabbat ke

ki nā-ummīd ko umīd-vār dekhā hai

kahīñ jahāñ meñ na ham ko milā vo lutf-e-hayāt

jo zer-e-sāya-e-dīvār yaar dekhā hai

jahan-e-gham mein jise be-qarar dekha hai

asir-e-kashmakash-e-intizar dekha hai

haris hai nigah-e-shauq kis qadar ki unhen

bacha bacha ke nazar bar-bar dekha hai

chubhi hain sine mein jine ki hasraten kya kya

kisi ne jab hamein begana-war dekha hai

samajh mein aa na sake moajize mohabbat ke

ki na-ummid ko umid-war dekha hai

kahin jahan mein na hum ko mila wo lutf-e-hayat

jo zer-e-saya-e-diwar yar dekha hai