agar qismat se main unki gali mein KHak ho jata

agar qismat se maiñ un kī galī meñ ḳhaak ho jaatā

ġham-e-kaunain kā saarā bakheḌā paak ho jaatā

lab-e-jāñ-baḳhsh kī qurbat hayāt-e-jāvidāñ detī

agar Dorā nafs kā resha-e-misvāk ho jaatā

huā dil soḳhatoñ ko chāhiye thī un ke dāman kī

ilāhī sub.h-e-mahshar kā garebāñ chaak ho jaatā

agar paivand malbūs-e-payambar ke nazar aa.e

tirā ai huliya-e-shāhī kaleja chaak ho jaatā

kamāñ-dār nubuvvat qādar-andāz meñ yaktā haiñ

do 'ālam kyuuñ na un kā basta-e-fitrāk ho jaatā

na hotī shaaq gar dar kī judā.ī tere zarre ko

qamar ik aur bhī raushan sar-e-aflāk ho jaatā

'hasan' ahl-e-nazar 'izzat se āñkhoñ meñ jagah dete

agar ye musht-e-ḳhāk un kī galī kī ḳhaak ho jaatā

agar qismat se main un ki gali mein KHak ho jata

gham-e-kaunain ka sara bakheDa pak ho jata

lab-e-jaan-baKHsh ki qurbat hayat-e-jawidan deti

agar Dora nafs ka resha-e-miswak ho jata

hua dil soKHaton ko chahiye thi un ke daman ki

ilahi subh-e-mahshar ka gareban chaak ho jata

agar paiwand malbus-e-payambar ke nazar aae

tera ai huliya-e-shahi kaleja chaak ho jata

kaman-dar nubuwwat qadar-andaz mein yakta hain

do 'alam kyun na un ka basta-e-fitrak ho jata

na hoti shaq gar dar ki judai tere zarre ko

qamar ek aur bhi raushan sar-e-aflak ho jata

'hasan' ahl-e-nazar 'izzat se aankhon mein jagah dete

agar ye musht-e-KHak un ki gali ki KHak ho jata