ai dil-e-pur-surur-e-man naz na ban niyaz ban

ai dil-e-pur-surūr-e-man naaz na ban niyāz ban

sāqī-e-mast-e-nāz kī āñkhoñ meñ sarfarāz ban

dair-o-haram se darguzar 'āshiq-e-kibr-o-nāz ban

ka.aba-e-dil meñ DhūñDh use parda-kushā-e-rāz ban

joshish-e-girya tā-bake nāla-ma-kun misāl-e-ne

ya.anī apne dard kā aap hī chāra-sāz ban

ā.īna-e-'alī ko dekh husn-e-mohammadī ko dekh

kar ke nisār jān-e-vatan 'āshiq-e-sarfarāz ban

vahshat-e-dil hai josh par bār-e-garāñ hai dosh par

kar na hirās ai bashar kHālid-e-yakka taaz ban

mamba'-e-zāt hai jalva-gar sifāt hai

tālib-e-haq biyā-biyā ḳhāk-e-rah-e-hijāz ban

'mohsin'-e-dil-girafta tū kar na ḳhudī kī guftugū

banda-e-be-niyāz ho akbar-e-pāk-bāz ban

ai dil-e-pur-surur-e-man naz na ban niyaz ban

saqi-e-mast-e-naz ki aankhon mein sarfaraaz ban

dair-o-haram se darguzar 'ashiq-e-kibr-o-naz ban

kaba-e-dil mein DhunDh use parda-kusha-e-raaz ban

joshish-e-girya ta-bake nala-ma-kun misal-e-ne

yani apne dard ka aap hi chaara-saz ban

aaina-e-'ali ko dekh husn-e-mohammadi ko dekh

kar ke nisar jaan-e-watan 'ashiq-e-sarfaraaz ban

wahshat-e-dil hai josh par bar-e-garan hai dosh par

kar na hiras ai bashar kHalid-e-yakka taz ban

mamba'-e-zat hai jalwa-gar sifat hai

talib-e-haq biya-biya KHak-e-rah-e-hijaz ban

'mohsin'-e-dil-girafta tu kar na KHudi ki guftugu

banda-e-be-niyaz ho akbar-e-pak-baz ban