Sufinama

ai mah-jabin kahan tera jalwa ayan nahin

Aughat Shah Warsi

ai mah-jabin kahan tera jalwa ayan nahin

Aughat Shah Warsi

MORE BY Aughat Shah Warsi

    ai mah-jabīñ kahāñ terā jalva ayaañ nahīñ

    ye sab tere nishāñ haiñ pe terā nishāñ nahīñ

    ka.aba meñ karbalā meñ kalīsā meñ dair meñ

    us be-nishāñ ko ham ne bhī DhūñDhā kahāñ nahīñ nahīñ

    iqrār roz karte ho ġhairoñ se vasl

    sīkhe ho ek mere liye jān-e-jāñ nahīñ

    kartā hai merā va.ada-farāmosh mujh ko yaad

    be-vaj.h aa jaatī haiñ ye hichkiyāñ nahīñ

    minnat se pūchhā kyā na karoge jafā.eñ kam

    saffāk kis DhiTā.ī se bolā ki haañ nahīñ

    shikva kujā shikāyat-e-ġham kiije kyā majāl

    us ye hukm hai ki hilāo zabāñ nahīñ

    sachche tumhīñ sahī maiñ burā huuñ burā magar

    mujh malegā ba.ad mere mehrbāñ nahīñ

    vaa.iz bhalā hasīnoñ ulfat hai kyuuñ harām

    shāyad ḳhudā shaan ye husn-e-butāñ nahīñ

    'aughat' jahāñ meñ ab dil-o-dīñ pūchhtā hai kaun

    āshiq in butoñ meñ koī qadar-dāñ nahīñ

    ai mah-jabin kahan tera jalwa ayan nahin

    ye sab tere nishan hain pe tera nishan nahin

    kaba mein karbala mein kalisa mein dair mein

    us be-nishan ko hum ne bhi DhunDha kahan nahin nahin

    iqrar roz karte ho ghairon se wasl ka

    sikhe ho ek mere liye jaan-e-jaan nahin

    karta hai mera wada-faramosh mujh ko yaad

    be-wajh aa jati hain ye hichkiyan nahin

    minnat se puchha kya na karoge jafaen kam

    saffak kis DhiTai se bola ki han nahin

    shikwa kuja shikayat-e-gham kije kya majal

    us ka ye hukm hai ki hilao zaban nahin

    sachche tumhin sahi main bura hun bura magar

    mujh sa malega baad mere mehrban nahin

    waiz bhala hasinon ki ulfat hai kyun haram

    shayad KHuda ki shan ye husn-e-butan nahin

    'aughat' jahan mein ab dil-o-din puchhta hai kaun

    aashiq ka in buton mein koi qadar-dan nahin

    Source:

    • Book: Faizan-e-Warsi Al-Maruf Zamzama-e-Qawwali (Pg. 23)
    • Author: Aughat Shah Warsi
    • Publication: Jayyad Barqi Press, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites