gun mein tu tujh mein numu tha mujhe malum na tha

gun meñ tū tujh meñ numū thā mujhe ma'alūm na thā

har taraf baaġh meñ tū thā mujhe ma'alūm na thā

huval-avval huval-āḳhir hai nafs se sābit

dil merā kHāna-e-hu thā mujhe ma'alūm na thā

maiñ bhī pī letā jo hotā koī taqdīr meñ jaam

dast-e-sāqī meñ subū thā mujhe ma'alūm na thā

kar gayā saikḌoñ ko shakl dikhā kar be-tāb

kaun ye ā.īna-rū thā mujhe ma'alūm na thā

merī sūrat ko banā kar mujhe dekhā tū ne

mere ā.īna meñ tū thā mujhe ma'alūm na thā

zāhid aa jaane de ḳhair ab to isī meñ pī le

ye tirā zarf-e-vuzū thā mujhe ma'alūm na thā

saikḌoñ zab.h kiye saikḌoñ ko jaañ baḳhshī

kaun ye 'arbada jo thā mujhe ma'alūm na thā

kaun huuñ kyā huuñ maiñ kuchh merī haqīqat ko na pūchh

jalva-e-vādī-e-hu thā mujhe ma'alūm na thā

jis kī rañgat pe pale saikḌoñ ke dil 'akbar'

vo hinā thī ki lahū thā mujhe ma'alūm na thā

gun mein tu tujh mein numu tha mujhe ma'alum na tha

har taraf bagh mein tu tha mujhe ma'alum na tha

huwal-awwal huwal-aKHir hai nafs se sabit

dil mera kHana-e-hu tha mujhe ma'alum na tha

main bhi pi leta jo hota koi taqdir mein jam

dast-e-saqi mein subu tha mujhe ma'alum na tha

kar gaya saikDon ko shakl dikha kar be-tab

kaun ye aaina-ru tha mujhe ma'alum na tha

meri surat ko bana kar mujhe dekha tu ne

mere aaina mein tu tha mujhe ma'alum na tha

zahid aa jaane de KHair ab to isi mein pi le

ye tera zarf-e-wuzu tha mujhe ma'alum na tha

saikDon zabh kiye saikDon ko jaan baKHshi

kaun ye 'arbada jo tha mujhe ma'alum na tha

kaun hun kya hun main kuchh meri haqiqat ko na puchh

jalwa-e-wadi-e-hu tha mujhe ma'alum na tha

jis ki rangat pe pale saikDon ke dil 'akbar'

wo hina thi ki lahu tha mujhe ma'alum na tha