ab dil mein samae hai ki diwana banenge

ab dil meñ samā.e hai ki dīvāna baneñge

mohabbatoñ kī tarah apne bhī afsāna baneñge

zāhid se kaho ḳhuld meñ hūroñ se kareñ 'aish

mastoñ ke liye 'arsh pe kāshāna baneñge

ham 'ishq ke kāfir haiñ jo pūjeñge butoñ ko

kā'be ke makānoñ meñ bhī mai-ḳhāna baneñge

ai sham'-e-ruḳh-e-yār na zulfoñ ko dhuāñ de

jalne ke liye aayā huuñ parvāna baneñge

mastoñ se kaho aage piyeñ kHuub sharābeñ

jannat ke makānoñ meñ bhī mai-ḳhāna baneñge

'akbar' haiñ adab vaale unheñ mahfil meñ na le jaao

jo dekheñge un ko vahī dīvāna baneñge

ab dil mein samae hai ki diwana banenge

mohabbaton ki tarah apne bhi afsana banenge

zahid se kaho KHuld mein huron se karen 'aish

maston ke liye 'arsh pe kashana banenge

hum 'ishq ke kafir hain jo pujenge buton ko

ka'be ke makanon mein bhi mai-KHana banenge

ai sham'-e-ruKH-e-yar na zulfon ko dhuan de

jalne ke liye aaya hun parwana banenge

maston se kaho aage piyen kHub sharaben

jannat ke makanon mein bhi mai-KHana banenge

'akbar' hain adab wale unhen mahfil mein na le jao

jo dekhenge un ko wahi diwana banenge