اب دل میں سمائے ہے کہ دیوانہ بنیں گے

اب دل میں سمائے ہے کہ دیوانہ بنیں گے

محبتوں کی طرح اپنے بھی افسانہ بنیں گے

زاہد سے کہو خلد میں حوروں سے کریں عیش

مستوں کے لیے عرش پہ کاشانہ بنیں گے

ہم عشق کے کافر ہیں جو پوجیں گے بتوں کو

کعبے کے مکانوں میں بھی مے خانہ بنیں گے

اے شمع رخ یار نہ زلفوں کو دھواں دے

جلنے کے لیے آیا ہوں پروانہ بنیں گے

مستوں سے کہو آگے پئیں خوب شرابیں

جنت کے مکانوں میں بھی مے خانہ بنیں گے

اکبرؔ ہیں ادب والے انہیں محفل میں نہ لے جاؤ

جو دیکھیں گے ان کو وہی دیوانہ بنیں گے