be-hijab aa ai pari-ru mere kashane mein

be-hijāb aa ai parī-rū mere kāshāne meñ

juz tere dard ke koī nahīñ ġham-ḳhāne meñ

'aks-e-ruḳhsār terā dekh ke paimāne meñ

ho gayā hashr bapā raat ko mai-ḳhāne meñ

kufr-o-īmāñ kā kisī ko bhī na hosh rahā

kitnī lazzat hai tere husn ke afsāne meñ

likh diyā kis ne ḳharābāt ke darvāze par

be-vuzū koī na aa.e kabhī mai-ḳhāne meñ

ik tavāf-e-ruḳh-e-sham' hī kiyā thā sab ne

phir sahar tak na rahī jaañ kisī parvāne meñ

bai'at-e-pīr-e-muġhāñ kar ke 'alīmullāh' safī

maiñ ne be-parda use dekhā hai mai-ḳhāne meñ

be-hijab aa ai pari-ru mere kashane mein

juz tere dard ke koi nahin gham-KHane mein

'aks-e-ruKHsar tera dekh ke paimane mein

ho gaya hashr bapa raat ko mai-KHane mein

kufr-o-iman ka kisi ko bhi na hosh raha

kitni lazzat hai tere husn ke afsane mein

likh diya kis ne KHarabaat ke darwaze par

be-wuzu koi na aae kabhi mai-KHane mein

ek tawaf-e-ruKH-e-sham' hi kiya tha sab ne

phir sahar tak na rahi jaan kisi parwane mein

bai'at-e-pir-e-mughan kar ke 'alimullah' safi

main ne be-parda use dekha hai mai-KHane mein