aasman hoga sahar ke nur se aaina-posh

āsmāñ hogā sahar ke nuur se ā.īna-posh

aur zulmat-e-rāt kī sīmāb-pā ho jā.egī

is qadar hogī tarannum āfrīñ bād-e-bahār

nighat-e-kHvābīda ġhunche kī navā ho jā.egī

aa mileñge sīna-e-chākān-e-chaman se sīna-chāk

bazm-e-gul kī ham-nafas bād-e-sabā ho jā.egī

shabnam-afshānī mirī paidā karegī soz-o-sāz

us chaman kī har kalī dard-āshnā ho jā.egī

dekh loge satvat-e-raftār-e-dariyā kā ma.aal

mauj-e-muztar hī use zanjīr-e-pā ho jā.egī

phir diloñ ko yaad aa jā.egā paiġhām-e-sujūd

phir jabīñ ḳhāk-e-haram se āshnā ho jā.egī

nāla-e-sayyād se hoñge navā sāmān-e-tuyūr

ḳhūn-e-gulchīñ se kalī rañgīñ qabā ho jā.egī

aañkh jo kuchh dekhtī hai lab pe aa saktā nahīñ

mahv-e-hairat huuñ ki duniyā kyā se kyā ho jā.egī

shab gurezāñ hogī āḳhir jalva-e-kHurshīd se

ye chaman ma.amūr hogā naġhma-e-tauhīd se

aasman hoga sahar ke nur se aaina-posh

aur zulmat-e-raat ki simab-pa ho jaegi

is qadar hogi tarannum aafrin baad-e-bahaar

nighat-e-kHwabida ghunche ki nawa ho jaegi

aa milenge sina-e-chaakan-e-chaman se sina-chaak

bazm-e-gul ki ham-nafas baad-e-saba ho jaegi

shabnam-afshani meri paida karegi soz-o-saz

us chaman ki har kali dard-ashna ho jaegi

dekh loge satwat-e-raftar-e-dariya ka maal

mauj-e-muztar hi use zanjir-e-pa ho jaegi

phir dilon ko yaad aa jaega paigham-e-sujud

phir jabin KHak-e-haram se aashna ho jaegi

nala-e-sayyaad se honge nawa saman-e-tuyur

KHun-e-gulchin se kali rangin qaba ho jaegi

aankh jo kuchh dekhti hai lab pe aa sakta nahin

mahw-e-hairat hun ki duniya kya se kya ho jaegi

shab gurezan hogi aaKHir jalwa-e-kHurshid se

ye chaman mamur hoga naghma-e-tauhid se