jin ke hangamon se the aabaad virane kabhi

jin ke hañgāmoñ se the ābād vīrāne kabhī

shahar un ke miT ga.e ābādiyāñ ban ho ga.iiñ

satvat-e-tauhīd qaa.em jin namāzoñ se huī

vo namāzeñ hind meñ nazr-e-barahman ho ga.iiñ

dahr meñ aish-o-dvām aa.iin kī pābandī se hai

mauj ko āzādiyāñ sāmān-e-shevan ho ga.iiñ

ḳhud tajallī ko tamannā jin nazāroñ kī thī

vo nigāheñ nā-ummīd-e-nūr-e-aiman ho ga.iiñ

vus.at-e-gardūñ meñ thī un kī taḌap nazāra-soz

bijliyāñ āsūda-e-dāmān-e-kHirman ho ga.iiñ

dīda-e-kHū banā raho minnat-kash-e-gulzār kyuuñ

ashk-e-paiham se nigāheñ gul-ba-dāman ho ga.iiñ

jin ke hangamon se the aabaad virane kabhi

shahar un ke miT gae aabaadiyan ban ho gain

satwat-e-tauhid qaem jin namazon se hui

wo namazen hind mein nazr-e-barahman ho gain

dahr mein aish-o-dwam aain ki pabandi se hai

mauj ko aazadiyan saman-e-shewan ho gain

KHud tajalli ko tamanna jin nazaron ki thi

wo nigahen na-ummid-e-nur-e-aiman ho gain

wusat-e-gardun mein thi un ki taDap nazara-soz

bijliyan aasuda-e-daman-e-kHirman ho gain

dida-e-kHu bana raho minnat-kash-e-gulzar kyun

ashk-e-paiham se nigahen gul-ba-daman ho gain