ighmaz chalte waqt murawwat se dur tha

iġhmāz chalte vaqt muravvat se duur thā

ro-ro ke ham ko aur rulānā zarūr thā

dardā ki lab pe rāz-e-dil aayā nahīñ hunūz

charchā hamāre 'ishq kā nazdīk duur thā

jaanī na qadr rahmat-e-haq pārsā ne kuchh

Thahrā qusūr-vār gar be-qusūr thā

dardī kushān-e-bazm-e-muġhāñ kā na pūchh haal

ek-ek riñd nashsha-e-vahdat se chuur thā

ab bāryāb-e-anjuman-e-’ām bhī nahīñ

vo dil ki ḳhaas mahram-e-bazm-e-huzūr thā

roz-e-vidā' bhī shab-e-hijrāñ se kam na thā

kuchh sub.h hī se shaam balā kā zuhūr thā

'hālī' ko hijr meñ bhī jo dekhā to shādmāñ

thā hausla isī kā ki itnā sabūr thā

ighmaz chalte waqt murawwat se dur tha

ro-ro ke hum ko aur rulana zarur tha

darda ki lab pe raaz-e-dil aaya nahin hunuz

charcha hamare 'ishq ka nazdik dur tha

jaani na qadr rahmat-e-haq parsa ne kuchh

Thahra qusur-war gar be-qusur tha

dardi kushan-e-bazm-e-mughan ka na puchh haal

ek-ek rind nashsha-e-wahdat se chur tha

ab baryab-e-anjuman-e-’am bhi nahin

wo dil ki KHas mahram-e-bazm-e-huzur tha

roz-e-wida' bhi shab-e-hijran se kam na tha

kuchh subh hi se sham bala ka zuhur tha

'haali' ko hijr mein bhi jo dekha to shadman

tha hausla isi ka ki itna sabur tha