ye puchho na humse kahan ja rahe hain
ye pūchho na ham se kahāñ jā rahe haiñ
jahāñ dil ke hoñ qadr-dāñ jā rahe haiñ
mohabbat ke māroñ kā kaisā Thikānā
jahāñ chal diye be-nishāñ jā rahe haiñ
ijāzat agar ho to āñkhoñ meñ rakh luuñ
tire jalve kyuuñ rā.egāñ jā rahe haiñ
janāze ko mere vo rukvā ke bole
ye lauTeñge kab tak kahāñ jā rahe haiñ
yahāñ kaaT kar zindagī kī sazā ham
chale the jahāñ se vahāñ jā rahe haiñ
ye 'altāf' āñkhoñ se bahte haiñ aañsū
sitāroñ ke yā kārvāñ jā rahe haiñ
ye puchho na hum se kahan ja rahe hain
jahan dil ke hon qadr-dan ja rahe hain
mohabbat ke maron ka kaisa Thikana
jahan chal diye be-nishan ja rahe hain
ijazat agar ho to aankhon mein rakh lun
tere jalwe kyun raegan ja rahe hain
janaze ko mere wo rukwa ke bole
ye lauTenge kab tak kahan ja rahe hain
yahan kaT kar zindagi ki saza hum
chale the jahan se wahan ja rahe hain
ye 'altaf' aankhon se bahte hain aansu
sitaron ke ya karwan ja rahe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
