jab tasawwur mein kisi ko samne lata hun main

jab tasavvur meñ kisī ko sāmne laatā huuñ maiñ

un ke jalvoñ kī farāvānī meñ kho jaatā huuñ maiñ

dar-haqīqat rāz-dār-e-manzil-e-maqsūd huuñ

dekhne ko har qadam par Thokareñ khātā huuñ maiñ

mujh ko le aa.ī hai is manzil pe ab merī vafā

un ke andāz-e-karam par bhī taḌap jaatā huuñ maiñ

nāvak andāz-e-nazar un kā hai utnā dil-nashīñ

tiir jo jaatā hai ḳhālī ḳhud uThā laatā huuñ maiñ

un ke har tīr-e-nazar meñ hai bharā kaif-o-surūr

zaḳhm-e-dil meñ kyā kahūñ kyā kyā mazā paatā huuñ maiñ

ai ‘amīr’-e-sābarī rote haiñ qudsī 'arsh par

jab kabhī afsāna-e-ulfat ko dohrātā huuñ maiñ

jab tasawwur mein kisi ko samne lata hun main

un ke jalwon ki farawani mein kho jata hun main

dar-haqiqat raaz-dar-e-manzil-e-maqsud hun

dekhne ko har qadam par Thokaren khata hun main

mujh ko le aai hai is manzil pe ab meri wafa

un ke andaz-e-karam par bhi taDap jata hun main

nawak andaz-e-nazar un ka hai utna dil-nashin

tir jo jata hai KHali KHud uTha lata hun main

un ke har tir-e-nazar mein hai bhara kaif-o-surur

zaKHm-e-dil mein kya kahun kya kya maza pata hun main

ai ‘amir’-e-sabari rote hain qudsi 'arsh par

jab kabhi afsana-e-ulfat ko dohraata hun main