جب تصور میں کسی کو سامنے لاتا ہوں میں

جب تصور میں کسی کو سامنے لاتا ہوں میں

ان کے جلوؤں کی فراوانی میں کھو جاتا ہوں میں

در حقیقت راز دارِ منزلِ مقصود ہوں

دیکھنے کو ہر قدم پر ٹھوکریں کھاتا ہوں میں

مجھ کو لے آئی ہے اس منزل پہ اب میری وفا

ان کے اندازِ کرم پر بھی تڑپ جاتا ہوں میں

نازک اندازِ نظران کا ہے اتنا دل نشیں

تیر جو جاتا ہے خالی خود اٹھا لاتا ہوں میں

ان کے ہر تیر نظر میں ہے بھرا کیف و سرور

زخمِ دل میں کیا کہوں کیا کیا مزا پاتا ہوں میں

لوٹتا ہوں حسرتوں کی میتیں دل میں لیے

کیا امید لے کے ان کی بزم سے میں جاتا ہوں میں

اے امیرؔ صابری روتے ہیں قدسی عرش پر

جب کبھی افسانۂِ الفت کو دہراتا ہوں میں