aarzu hai us aastane ki

aarzū hai us āstāne kī

bigḌī bantī jahāñ zamāne kī

maiñ burā huuñ bhalā huuñ jaisā huuñ

laaj tum ko hai ab nibhāne kī

āñkheñ rotī haiñ dil sisaktā hai

ye sazā paa.ī dil lagāne kī

'āshiqoñ ko tumhāre kūche meñ

saḳht bandish hai aane jaane kī

raaz afshāñ na ho mohabbat meñ

bas yahī chiiz hai chhupāne kī

ruḳh se parda zarā uThā dījiye

ab badal do fazā zamāne kī

sāqiyā hai ye hī bahār-e-kaif

mere piine tere pilāne kī

tujh par miT kar ‘amīr’-e-sābarī ne

baat pā lī hai jo thī paane kī

aarzu hai us aastane ki

bigDi banti jahan zamane ki

main bura hun bhala hun jaisa hun

laj tum ko hai ab nibhane ki

aankhen roti hain dil sisakta hai

ye saza pai dil lagane ki

'ashiqon ko tumhaare kuche mein

saKHt bandish hai aane jaane ki

raaz afshan na ho mohabbat mein

bas yahi chiz hai chhupane ki

ruKH se parda zara uTha dijiye

ab badal do faza zamane ki

saqiya hai ye hi bahaar-e-kaif

mere pine tere pilane ki

tujh par miT kar ‘amir’-e-sabari ne

baat pa li hai jo thi pane ki