آرزو ہے اس آستانے کی

آرزو ہے اس آستانے کی

بگڑی بنتی جہاں زمانے کی

میں برا ہوں بھلا ہوں جیسا ہوں

لاج تم کو ہے اب نبھانے کی

آنکھوں روتی ہیں دل سسکتا ہے

یہ سزا پائی دل لگانے کی

عاشقوں کو تمہارے کوچے میں

سخت بندش ہے آنے جانے کی

راز افشاں نہ ہو محبت میں

بس یہی چیز ہے چھپانے کی

رخ سے پردہ ذرا اٹھا دیجیے

اب بدل دو فضا زمانے کی

ساقیا ہے یہ ہی بہار کیف

میرے پینے تیرے پلانے کی

تجھ پر مٹ کر امیرؔ صابری نے

بات پالی ہے جو تھی پانے کی