tera aastana-e-naz ho ye meri jabin-e-niyaz ho

terā āstāna-e-nāz ho ye merī jabīn-e-niyāz ho

mazā jab hai pesh-e-nazar ho tū merī hastī mahv-e-namāz ho

terā dar ho terī yaad ho terā zikr ho terā fikr ho

tū ho naaz meñ maiñ niyāz meñ merī is tarh se namāz ho

terī diid ho merī 'iid ho terā naam ho merā kaam ho

maiñ niyāz-mand rahūñ sadā tū sadā hī banda-navāz ho

tū lagā de aisī lagī rahe tū pilā de aisī chaḌhī rahe

terā dard dard-e-latīf jo mere dil meñ aisā gudāz ho

ye ‘amīr’-e-sābarī dam-badam tujhe kah rahā hai terī qasam

mujhe apne 'ishq meñ yuuñ miTā merī ḳhaak ḳhāk-e-hijāz ho

tera aastana-e-naz ho ye meri jabin-e-niyaz ho

maza jab hai pesh-e-nazar ho tu meri hasti mahw-e-namaz ho

tera dar ho teri yaad ho tera zikr ho tera fikr ho

tu ho naz mein main niyaz mein meri is tarh se namaz ho

teri did ho meri 'id ho tera nam ho mera kaam ho

main niyaz-mand rahun sada tu sada hi banda-nawaz ho

tu laga de aisi lagi rahe tu pila de aisi chaDhi rahe

tera dard dard-e-latif jo mere dil mein aisa gudaz ho

ye ‘amir’-e-sabari dam-badam tujhe kah raha hai teri qasam

mujhe apne 'ishq mein yun miTa meri KHak KHak-e-hijaz ho