تیرا آستانۂ ناز ہو یہ میری جبینِ نیاز ہو

تیرا آستانۂ ناز ہو یہ میری جبینِ نیاز ہو

مزا جب ہے پیشِ نظر ہو تو میری ہستی محوِ نماز ہو

تیرا در ہو تیری یاد ہو تیرا ذکر ہو تیرا فکر ہو

تو ہو ناز میں میں نیاز میں میری اس طرح سے نماز ہو

تیری دید ہو میری عید ہو تیرا نام ہو میرا کام ہو

میں نیاز مند رہوں سدا تو سدا ہی بندہ نواز ہو

تو لگا دے ایسی لگی رہے تو پلا دے ایسی چڑھی رہے

تیرا درد دردِ لطیف جو میرے دل میں ایسا گداز ہو

یہ امیرؔ صابری دمبدم تجھے کہہ رہا ہے تیری قسم

مجھے اپنے عشق میں یوں مٹا میری خاک خاکِ حجاز ہو