جب ان کے آستاں پہ نہ محشر بپا ہوا

جب ان کے آستاں پہ نہ محشر بپا ہوا

پھیلائے نین شوق وہ سجدہ ہی کیا ہوا

دیکھا ہے میں نے عشق کی منزل میں جابجا

نقشِ قاصر پہ یار کے کعبہ جھکا ہوا

بیتاب ہو کے سر کو اٹھاتے تو لطف تھا

سجدے سے میں نے سر کو اٹھایا تو کیا ہوا

وہ دیکھو اڑ رہی ہیں گریباں کی دھجیاں

شاید آفتابِ ناز ہے ان کا اٹھا ہوا

صد شکر میں نے دردِ محبت میں جان دی

صد شکر ہے کہ وعدۂ فردا ادا ہوا

صیاد اس اسیر کی مجبوریاں نہ پوچھ

بازو ہو جس کا باب قفس سے بندھا ہوا

مر کر بھی ہم نہ نکلیں گے کوچۂ عشق سے

ہم نے امیرؔ صابری ہے سر دیا ہوا