jab un ke aastan pe na mahshar bapa hua

jab un ke āstāñ pe na mahshar bapā huā

phailā.e nain-e-shauq vo sajda hī kyā huā

dekhā hai maiñ ne 'ishq kī manzil meñ jā-bajā

naqsh-e-qadam pe yaar ke ka'aba jhukā huā

betāb ho ke sar ko uThāte to lutf thā

sajde se maiñ ne sar ko uThāyā to kyā huā

vo dekho uḌ rahī haiñ garebāñ kī dhajjiyāñ

shāyad āftāb-e-nāz hai un kā uThā huā

sad shukr maiñ ne dard-e-mohabbat meñ jaan dī

sad-shukr hai ki va.ada-e-fardā adā huā

sayyād us asiir kī majbūriyāñ na pūchh

baazū ho jis kā baab qafas se bandhā huā

mar kar bhī ham na nikleñge kūcha-e-’ishq se

ham ne 'amīr'-e-sābarī hai sar diyā huā

jab un ke aastan pe na mahshar bapa hua

phailae nain-e-shauq wo sajda hi kya hua

dekha hai main ne 'ishq ki manzil mein ja-baja

naqsh-e-qadam pe yar ke ka'aba jhuka hua

betab ho ke sar ko uThate to lutf tha

sajde se main ne sar ko uThaya to kya hua

wo dekho uD rahi hain gareban ki dhajjiyan

shayad aaftab-e-naz hai un ka uTha hua

sad shukr main ne dard-e-mohabbat mein jaan di

sad-shukr hai ki wada-e-farda ada hua

sayyaad us asir ki majburiyan na puchh

bazu ho jis ka bab qafas se bandha hua

mar kar bhi hum na niklenge kucha-e-’ishq se

hum ne 'amir'-e-sabari hai sar diya hua