aankhon mein mul raha hun ghubar sahr ko main

āñkhoñ meñ mul rahā huuñ ġhubār sahr ko maiñ

ashkoñ se dho rahā huuñ tirī rah guzar ko maiñ

chashm-e-zadan meñ jo merī duniyā badal ga.ī

bhūlā nahīñ huuñ us tirī pahlī nazar ko maiñ

aisā talāsh-e-yār meñ gum ho gayā huuñ maiñ

ā.ūñgā ab nazar kisī ahl-e-nazar ko maiñ

chaukhaT pe terī kyuuñ na jhukā.ūñ sar-e-niyāz

kā'ba samajh rahā huuñ tire sañg-e-dar ko maiñ

jis ne hai mujh ko dard-e-mohabbat 'atā kiyā

muddat se DhūñDhtā huuñ usī chāra-gar ko maiñ

maanā bahut kaThin haiñ mohabbat kī manzileñ

kar lūñgā un ke lutf se tai us safar ko maiñ

jab se 'amīr'-e-sābarī dekhī hai un kī shaan

ab aur kuchh samajhtā huuñ shān-e-bashar ko maiñ

aankhon mein mul raha hun ghubar sahr ko main

ashkon se dho raha hun teri rah guzar ko main

chashm-e-zadan mein jo meri duniya badal gai

bhula nahin hun us teri pahli nazar ko main

aisa talash-e-yar mein gum ho gaya hun main

aaunga ab nazar kisi ahl-e-nazar ko main

chaukhaT pe teri kyun na jhukaun sar-e-niyaz

ka'ba samajh raha hun tere sang-e-dar ko main

jis ne hai mujh ko dard-e-mohabbat 'ata kiya

muddat se DhunDhta hun usi chaara-gar ko main

mana bahut kaThin hain mohabbat ki manzilen

kar lunga un ke lutf se tai us safar ko main

jab se 'amir'-e-sabari dekhi hai un ki shan

ab aur kuchh samajhta hun shan-e-bashar ko main