taswir-e-tasawwur mein unki jis waqt jamai jati hai

tasvīr-e-tasavvur meñ un kī jis vaqt jamā.ī jaatī hai

us parda-nashīñ ko dekhne kī phir taab na laa.ī jaatī hai

ai sāqī-e-mastāñ ḳhuub pilā jitnī bhī pilā.ī jaatī hai

kā'be se uThī pur-kaif ghaTā mai-ḳhāne pe chhā.ī jaatī hai

muzda hai tumheñ ai bāda-kasho bhar-bhar ke piyo aur ḳhuub piyo

jibra.īl-e-amīñ ke hāthoñ se kausar se mañgā.ī jaatī hai

maikHāna-e-fitrat ke mai-kash kis shaan se nikle haiñ to ye

jis samt se guzre jaate haiñ ek 'iid manā.ī jaatī hai

us 'ishq ke kūcha meñ miT kar batlāyā ye miTne vāloñ ne

dīvānoñ kī misl-e-parvāne mayyat hī uThā.ī jaatī hai

’ushshāqoñ meñ har sū dhuum machī aatā hai sar-e-mahfil koī

dīdār kī daulat chal luuTo aaj 'aam luTā.ī jaatī hai

dā'va hai 'amīr'-e-sābarī kā sadqa hai pīrān-e-kaliyar kā

bigḌī huī qismat 'sābir' ke kūche meñ banā.ī jaatī hai

taswir-e-tasawwur mein un ki jis waqt jamai jati hai

us parda-nashin ko dekhne ki phir tab na lai jati hai

ai saqi-e-mastan KHub pila jitni bhi pilai jati hai

ka'be se uThi pur-kaif ghaTa mai-KHane pe chhai jati hai

muzda hai tumhein ai baada-kasho bhar-bhar ke piyo aur KHub piyo

jibrail-e-amin ke hathon se kausar se mangai jati hai

maikHana-e-fitrat ke mai-kash kis shan se nikle hain to ye

jis samt se guzre jate hain ek 'id manai jati hai

us 'ishq ke kucha mein miT kar batlaya ye miTne walon ne

diwanon ki misl-e-parwane mayyat hi uThai jati hai

’ushshaqon mein har su dhum machi aata hai sar-e-mahfil koi

didar ki daulat chal luTo aaj 'am luTai jati hai

da'wa hai 'amir'-e-sabari ka sadqa hai piran-e-kaliyar ka

bigDi hui qismat 'sabir' ke kuche mein banai jati hai