kya kahun kya dekha un ka ru-e-taban dekh kar

kyā kahūñ kyā dekhā un kā rū-e-tābāñ dekh kar

ban ga.e tasvīr ham tasvīr-e-jānāñ dekh kar

aaj apne aap par hī ho gayā dhokā mujhe

apnī hastī meñ kisī kā husn-e-pinhāñ dekh kar

mai-kada-e-’ishq meñ mastoñ kī mai-noshī na pūchh

toḌ dī zāhid ne tauba bazm-e-rindāñ dekh kar

tujh ko aur jannat ko terī kyā samajhte haiñ bhalā

ḳhuld na dekheñge ham kūcha-e-jānāñ dekh kar

qais bhī añgusht-ba-dandāñ hai dekho hashr meñ

mere armānoñ kī duniyā ko vo vīrāñ dekh kar

kyā kahūñ kyā le ke maiñ pahuñchā huuñ un kī bazm meñ

vo pareshāñ ho ga.e mujh ko pareshāñ dekh kar

ho ga.e lākhoñ hī dāman chaak ‘amīr’-e-sābarī

bazm-e-jānāñ meñ mirā chāk-e-garebāñ dekh kar

kya kahun kya dekha un ka ru-e-taban dekh kar

ban gae taswir hum taswir-e-jaanan dekh kar

aaj apne aap par hi ho gaya dhoka mujhe

apni hasti mein kisi ka husn-e-pinhan dekh kar

mai-kada-e-’ishq mein maston ki mai-noshi na puchh

toD di zahid ne tauba bazm-e-rindan dekh kar

tujh ko aur jannat ko teri kya samajhte hain bhala

KHuld na dekhenge hum kucha-e-jaanan dekh kar

qais bhi angusht-ba-dandan hai dekho hashr mein

mere armanon ki duniya ko wo viran dekh kar

kya kahun kya le ke main pahuncha hun un ki bazm mein

wo pareshan ho gae mujh ko pareshan dekh kar

ho gae lakhon hi daman chaak ‘amir’-e-sabari

bazm-e-jaanan mein mera chaak-e-gareban dekh kar