naqab-e-qalb-o-jigar uThaen hijab-e-’aql-o-kHirad uThaen

naqāb-e-qalb-o-jigar uThā.eñ hijāb-e-’aql-o-kHirad uThā.eñ

jo dil kī mahfil meñ jalva gar hai use nazar ke qarīb laa.eñ

ye aarzū hai ki har qadam par junūñ meñ aise maqām aa.eñ

sañvar-sañvar ke bigaḌte jaa.eñ bigaḌ-bigaḌ ke sañvarte jaa.eñ

bas aaj aisī pilā de saaqī yuuñ mast-o-be-ḳhud banā de saaqī

adā kareñ jab namāz apnī na ḳhud jhukeñ aur na sar jhukā.eñ

tasavvur-e-husn meñ hue ġham tumhārā naqsha jamā-jamā kar

jo tujh ko kho.eñ to ḳhud ko paa.eñ jo ḳhud ko kho.eñ to tujh ko paa.eñ

tirī adā meñ karishma-sāzī tirī nigāh meñ hai be-niyāzī

jise bhī chāheñ banā.eñ apnā tumhārī dilkash hasīñ adā.eñ

ab haath se chhuT gayā hai lañgar 'ajīb pesh-e-nazar hai manzar

talātum-e-mauj-e-ġham ke maare qarīb sāhil na Duub jaa.eñ

'amīr' dair-o-haram meñ jā kar duī ke parde uThā-uThā kar

jahāñ bhī dekheñ tumhīñ ko dekheñ jahāñ bhī paa.eñ tumhīñ ko paa.eñ

naqab-e-qalb-o-jigar uThaen hijab-e-’aql-o-kHirad uThaen

jo dil ki mahfil mein jalwa gar hai use nazar ke qarib laen

ye aarzu hai ki har qadam par junun mein aise maqam aaen

sanwar-sanwar ke bigaDte jaen bigaD-bigaD ke sanwarte jaen

bas aaj aisi pila de saqi yun mast-o-be-KHud bana de saqi

ada karen jab namaz apni na KHud jhuken aur na sar jhukaen

tasawwur-e-husn mein hue gham tumhaara naqsha jama-jama kar

jo tujh ko khoen to KHud ko paen jo KHud ko khoen to tujh ko paen

teri ada mein karishma-sazi teri nigah mein hai be-niyazi

jise bhi chahen banaen apna tumhaari dilkash hasin adaen

ab hath se chhuT gaya hai langar 'ajib pesh-e-nazar hai manzar

talatum-e-mauj-e-gham ke mare qarib sahil na Dub jaen

'amir' dair-o-haram mein ja kar dui ke parde uTha-uTha kar

jahan bhi dekhen tumhin ko dekhen jahan bhi paen tumhin ko paen