kisi ki chah bhi dil mein mere ai naznin nikli

kisī kī chaah bhī dil meñ mire ai nāznīñ niklī

tire tīroñ ne ghar kī talāshī lī kahīñ niklī

tirī sūrat kuchh aisī kalk qudrat se hasīñ niklī

ki us kī har adā se shān-e-sūrat āfrīñ niklī

ilāhī qatl par mere vo itrāte haiñ kyuuñ itnā

badan se jaan niklī yā dahan se āfrīñ niklī

dil-e-majnūñ se niklī aah yā bijlī koī chamkī

ki mahmil se taḌap kar laila-e-mahmil-nashīñ niklī

sharīk-e-hāl-e-'āshiq be-kasī meñ kaun hotā hai

jo niklī bhī to kuchh dil-soz āh-e-ātishīñ niklī

tan-e-haijān ko zer-e-ḳhāk kiyā dhar-dhar ke piisā hai

sitam karne meñ ustād-o-āsmāñ kī bhī zamīñ niklī

na chhoḌā saath un kā merī turbat par bhī aane meñ

baḌī pāband apnī vaz' kī chīn-e-jabīñ niklī

junūñ ab tak sunā thā saath cholī aur dāman kā

garebāñ ko nikalte dekh kar kyuuñ āstīñ niklī

ġhash aayā vasl meñ mujh ko to bolī nāzukī us kī

ki lo mujh se bhī un kī nā-tavānī nāznīñ niklī

'amīr' ubhrā jo vo joban milā dil kā patā mujh ko

yahī dinoñ uchakke chor the chorī yahīñ niklī

kisi ki chah bhi dil mein mere ai naznin nikli

tere tiron ne ghar ki talashi li kahin nikli

teri surat kuchh aisi kalk qudrat se hasin nikli

ki us ki har ada se shan-e-surat aafrin nikli

ilahi qatl par mere wo itraate hain kyun itna

badan se jaan nikli ya dahan se aafrin nikli

dil-e-majnun se nikli aah ya bijli koi chamki

ki mahmil se taDap kar laila-e-mahmil-nashin nikli

sharik-e-haal-e-'ashiq be-kasi mein kaun hota hai

jo nikli bhi to kuchh dil-soz aah-e-atishin nikli

tan-e-haijaan ko zer-e-KHak kiya dhar-dhar ke pisa hai

sitam karne mein ustad-o-asman ki bhi zamin nikli

na chhoDa sath un ka meri turbat par bhi aane mein

baDi paband apni waz' ki chin-e-jabin nikli

junun ab tak suna tha sath choli aur daman ka

gareban ko nikalte dekh kar kyun aastin nikli

ghash aaya wasl mein mujh ko to boli nazuki us ki

ki lo mujh se bhi un ki na-tawani naznin nikli

'amir' ubhra jo wo joban mila dil ka pata mujh ko

yahi dinon uchakke chor the chori yahin nikli