tha dhyan mein naqsha jo teri jalwagari ka

thā dhyān meñ naqsha jo tirī jalvagarī kā

muñh pher liyā dekh ke ruḳh ham ne parī kā

āḳhir huuñ maiñ a.alam hai charāġh-e-saharī kā

lo jald ḳhabar vaqt nahīñ be-ḳhabarī kā

har sub.h ko ye shor hai murġh-e-saharī kā

chauñko ki zamāna na rahā be-ḳhabarī kā

vaqfa nahīñ ab bazm se hotā hai ye ruḳhsat

muñh dekh rahā huuñ maiñ charāġh-e-saharī kā

detā hai ḳhabar par ḳhabar ahbāb kā uThnā

parda nahīñ uThtā hai magar be-ḳhabarī kā

mastī meñ kahīñ dekh lī us maah kī raftār

bahkā huā paḌtā hai qadam kabk-e-darī kā

allāh kī qudrat kā tamāshā vo sanam hai

chehra hai agar huur kā joban hai parī kā

mai-ḳhāne meñ daur-e-mai-e-gul-rañg nahīñ hai

indar ke akhāḌe meñ ye hai raqs parī kā

yaad aatā hai gulzār meñ us gul kā vo sonā

aanā vo dabe paañv nasīm-e-saharī kā

Dar hai ye ḳhabar uḌ ke na sayyād ko pahuñche

achchhā nahīñ charchā mirī be-bāl-o-parī kā

kuchh roz abhī sabr kar ai panja-e-vahshat

be-mausam-e-gul lutf nahīñ jāma-darī kā

ahbāb dam-e-naz.a mujhe dekh rahe haiñ

muñh takte haiñ parvāne charāġh-e-saharī kā

ghabrā ke chale aa.e mere ghar vo amiir aaj

ehsān huā mujh par mirī be-ḳhabarī kā

tha dhyan mein naqsha jo teri jalwagari ka

munh pher liya dekh ke ruKH hum ne pari ka

aaKHir hun main aalam hai charagh-e-sahari ka

lo jald KHabar waqt nahin be-KHabari ka

har subh ko ye shor hai murgh-e-sahari ka

chaunko ki zamana na raha be-KHabari ka

waqfa nahin ab bazm se hota hai ye ruKHsat

munh dekh raha hun main charagh-e-sahari ka

deta hai KHabar par KHabar ahbab ka uThna

parda nahin uThta hai magar be-KHabari ka

masti mein kahin dekh li us mah ki raftar

bahka hua paDta hai qadam kabk-e-dari ka

allah ki qudrat ka tamasha wo sanam hai

chehra hai agar hur ka joban hai pari ka

mai-KHane mein daur-e-mai-e-gul-rang nahin hai

indar ke akhaDe mein ye hai raqs pari ka

yaad aata hai gulzar mein us gul ka wo sona

aana wo dabe panw nasim-e-sahari ka

Dar hai ye KHabar uD ke na sayyaad ko pahunche

achchha nahin charcha meri be-baal-o-pari ka

kuchh roz abhi sabr kar ai panja-e-wahshat

be-mausam-e-gul lutf nahin jama-dari ka

ahbab dam-e-naza mujhe dekh rahe hain

munh takte hain parwane charagh-e-sahari ka

ghabra ke chale aae mere ghar wo amir aaj

ehsan hua mujh par meri be-KHabari ka