is shan se hum aae teri jalwa-gah mein

is shaan se ham aa.e tirī jalva-gāh meñ

mash.al dikhā.ī barq-e-tajallī ne raah meñ

añdher kar rahī hai ye chashm-e-siyāh meñ

shoḳhī ko qaid kījiye nīchī nigāh meñ

kyā daḳhl jā sake koi is jalva-gāh meñ

ġhamza chhurī liye hue baiThā hai raah meñ

ḳhanjar kuchh is adā se khiñchā qatl-gāh meñ

lipTā liyā gale se tire ishtibāh meñ

tauba bhī kuchh bharose ke qābil hai zāhido

pahuñchī hai ham se TuuT ke ab ḳhānqāh meñ

vo dushmanī se dekhte haiñ dekhte to haiñ

maiñ shaad huuñ ki huuñ to kisī kī nigāh meñ

ham mast-e-mai bhī piite haiñ to kāñpte hue

tauba paḌī huī hai hamāre gunāh meñ

qālib meñ dil hai dil meñ hai vo qadr-dān-e-dil

yūsuf girā hai le ke zuleḳhā ko chaah meñ

uftādgī meñ bhī mujhe me.arāj hai nasīb

Thokar bhī khaa.ī hai to mohabbat kī raah meñ

phūñkā idhar adū ko udhar āsmān ko

do zālimoñ kī lī hai ḳhabar ek aah meñ

vo dekhte haiñ ḳhūn-e-tamannā jamā ke aañkh

mehñdī lagā.ī jaatī hai pā-e-nigāh meñ

ahl-e-nazar ko vus.at-e-imkāñ bahut hai tañg

gardūñ nahīñ girah hai ye tār-e-nigāh meñ

jab maiñ pukārtā huuñ to kahtā hai āftāb

kambaḳht gum huuñ maiñ tire roz-e-siyāh meñ

Dartā huuñ jazb-e-shaiḳh kā sun sun ke ġhulġhula

khich jaa.e duḳht-e-raz na kahīñ ḳhānqāh meñ

aañkh apnī fitna haaye qiyāmat pe kyā paḌī

jis ke ye fitne haiñ vo hai apnī nigāh meñ

dil meñ samad samad ho zabāñ par sanam sanam

husn-e-amal kī bhī ho jhalak kuchh gunāh meñ

betābiyāñ jo māñgeñ to denā na tū hameñ

ai sabr ab ham aa.e haiñ terī panāh meñ

uThtā nahīñ hai ab to qadam mujh ġharīb kā

manzil se kah do dauḌ ke le mujh ko raah meñ

qudrat ḳhudā kī hai ki mileñ ḳhaak meñ to ham

aur surma ghar kare tirī chashm-e-siyāh meñ

shā.ir ko mast kartī hai tārīf-e-sher 'amīr'

sau botaloñ kā nashsha hai is vaah vaah meñ

is shan se hum aae teri jalwa-gah mein

mashal dikhai barq-e-tajalli ne rah mein

andher kar rahi hai ye chashm-e-siyah mein

shoKHi ko qaid kijiye nichi nigah mein

kya daKHl ja sake koi is jalwa-gah mein

ghamza chhuri liye hue baiTha hai rah mein

KHanjar kuchh is ada se khincha qatl-gah mein

lipTa liya gale se tere ishtibah mein

tauba bhi kuchh bharose ke qabil hai zahido

pahunchi hai hum se TuT ke ab KHanqah mein

wo dushmani se dekhte hain dekhte to hain

main shad hun ki hun to kisi ki nigah mein

hum mast-e-mai bhi pite hain to kanpte hue

tauba paDi hui hai hamare gunah mein

qalib mein dil hai dil mein hai wo qadr-dan-e-dil

yusuf gira hai le ke zuleKHa ko chah mein

uftadgi mein bhi mujhe mearaj hai nasib

Thokar bhi khai hai to mohabbat ki rah mein

phunka idhar adu ko udhar aasman ko

do zalimon ki li hai KHabar ek aah mein

wo dekhte hain KHun-e-tamanna jama ke aankh

mehndi lagai jati hai pa-e-nigah mein

ahl-e-nazar ko wusat-e-imkan bahut hai tang

gardun nahin girah hai ye tar-e-nigah mein

jab main pukarta hun to kahta hai aaftab

kambaKHt gum hun main tere roz-e-siyah mein

Darta hun jazb-e-shaiKH ka sun sun ke ghulghula

khich jae duKHt-e-raz na kahin KHanqah mein

aankh apni fitna haye qiyamat pe kya paDi

jis ke ye fitne hain wo hai apni nigah mein

dil mein samad samad ho zaban par sanam sanam

husn-e-amal ki bhi ho jhalak kuchh gunah mein

betabiyan jo mangen to dena na tu hamein

ai sabr ab hum aae hain teri panah mein

uThta nahin hai ab to qadam mujh gharib ka

manzil se kah do dauD ke le mujh ko rah mein

qudrat KHuda ki hai ki milen KHak mein to hum

aur surma ghar kare teri chashm-e-siyah mein

shair ko mast karti hai tarif-e-sher 'amir'

sau botalon ka nashsha hai is wah wah mein