aalam-shagufta hun jo main aafat-rasida hun

a.alam-shagufta huuñ jo maiñ āfat-rasīda huuñ

sub.h-e-bahār huuñ jo garebāñ-darīda huuñ

matlab kī samt ruḳh hai mirā vo rsīda huuñ

goyā qasīde meñ maiñ gurez-e-qasīda huuñ

rāġhib mirī taraf hai koī dil na koī gosh

bazm-e-jahāñ meñ harf-e-mukarrar shunīda huuñ

mere safā-e-dil ne jo khole haiñ mere aib

sharminda misal-e-zañgī-e-ā.īna diida huuñ

maahī kī tarah hai mujhe marham vo āb-e-teġh

kyā mubtalā-e-dard-e-gulū-e-burīda huuñ

zabt-e-fuġhāñ sikhā.ūñ maiñ auroñ ko huuñ jo ḳhaak

surma pay-e-sadā-e-gulū-e-burīda huuñ

chehre pe us ke matla-e-abrū kā hai ye qaul

dīvān-e-'anvarī' kā maiñ mazmūn-e-chīda huuñ

zulm-e-jahāñ na daur-e-falak kā mujhe ḳhayāl

dariyā ke josh meñ tah-e-pul ārmīda huuñ

ai ahl-e-bazm mujh ko uThāo na bazm se

sham.a-e-sahar huuñ umr-e-bayābāñ-rsīda huuñ

maiñ aur jam haiñ pīr-e-muġhāñ do tire murīd

lekin vo bad-aqīda hai maiñ ḳhush-aqīda huuñ

majrūh-e-teġh-e-husn huā kab ḳhabar nahīñ

yūsuf kī jalva-gāh meñ dast-e-burīda huuñ

maarā hai ahal-e-kibr ne parde meñ ijz ke

maiñ be-ḳhabar to kushta-e-teġh-e-kHamīda huuñ

ab tak kisī pe merī haqīqat nahīñ khulī

harf-e-na-gufta huuñ suḳhan-e-nā-shunīda huuñ

paidā kiye kī sharm ilāhī zarūr hai

to āfrīd-gār hai maiñ āfrīda huuñ

sahrā ko kapḌe phaaḌ ke chaltā huuñ ai junūñ

pā-e-shikasta huuñ na maiñ dast-e-burīda huuñ

huuñ dushmanoñ meñ par nahīñ faryād kī majāl

battīs dāñtoñ meñ maiñ zabān-e-burīda huuñ

bahtā hai yād-e-ruḳh meñ to kahtā hai tifl-e-ashk

yūsuf ke ḳhāndān kā maiñ nūr-e-dīda huuñ

matlab ḳhizāñ se kuchh na ġharaz hai bahār se

donoñ se misl-e-sard maiñ dāman-kashīda huuñ

dekhūñ kisī ke aib to kyā ḳhaak kah sakūñ

haañ ġham se ā.īne kī tarah ābdīda huuñ

kahtā hai murġh-e-rūh ajal se Darā huā

sayyād mere pīchhe maiñ said-e-ramīda huuñ

bulbul huuñ maiñ na gul huuñ gulistān-e-dahr meñ

haañ ik par-e-shikasta-o-rañg-e-burīda huuñ

shabnam ke ai 'amīr' mile haiñ mujhe nasīb

gul hañs paḌeñ chaman meñ jo maiñ āb-dīda huuñ

aalam-shagufta hun jo main aafat-rasida hun

subh-e-bahaar hun jo gareban-darida hun

matlab ki samt ruKH hai mera wo rsida hun

goya qaside mein main gurez-e-qasida hun

raghib meri taraf hai koi dil na koi gosh

bazm-e-jahan mein harf-e-mukarrar shunida hun

mere safa-e-dil ne jo khole hain mere aib

sharminda misal-e-zangi-e-aina dida hun

mahi ki tarah hai mujhe marham wo aab-e-tegh

kya mubtala-e-dard-e-gulu-e-burida hun

zabt-e-fughan sikhaun main auron ko hun jo KHak

surma pay-e-sada-e-gulu-e-burida hun

chehre pe us ke matla-e-abru ka hai ye qaul

diwan-e-'anwari' ka main mazmun-e-chida hun

zulm-e-jahan na daur-e-falak ka mujhe KHayal

dariya ke josh mein tah-e-pul aarmida hun

ai ahl-e-bazm mujh ko uThao na bazm se

shama-e-sahar hun umr-e-bayaban-rsida hun

main aur jam hain pir-e-mughan do tere murid

lekin wo bad-aqida hai main KHush-aqida hun

majruh-e-tegh-e-husn hua kab KHabar nahin

yusuf ki jalwa-gah mein dast-e-burida hun

mara hai ahal-e-kibr ne parde mein ijz ke

main be-KHabar to kushta-e-tegh-e-kHamida hun

ab tak kisi pe meri haqiqat nahin khuli

harf-e-na-gufta hun suKHan-e-na-shunida hun

paida kiye ki sharm ilahi zarur hai

to aafrid-gar hai main aafrida hun

sahra ko kapDe phaD ke chalta hun ai junun

pa-e-shikasta hun na main dast-e-burida hun

hun dushmanon mein par nahin faryaad ki majal

battis danton mein main zaban-e-burida hun

bahta hai yaad-e-ruKH mein to kahta hai tifl-e-ashk

yusuf ke KHandan ka main nur-e-dida hun

matlab KHizan se kuchh na gharaz hai bahaar se

donon se misl-e-sard main daman-kashida hun

dekhun kisi ke aib to kya KHak kah sakun

han gham se aaine ki tarah aabdida hun

kahta hai murgh-e-ruh ajal se Dara hua

sayyaad mere pichhe main said-e-ramida hun

bulbul hun main na gul hun gulistan-e-dahr mein

han ek par-e-shikasta-o-rang-e-burida hun

shabnam ke ai 'amir' mile hain mujhe nasib

gul hans paDen chaman mein jo main aab-dida hun