ai barq-e-husn-e-yar ye achchha zuhur tha

ai barq-e-husn-e-yār ye achchhā zuhūr thā

dīdār ko kalīm the jalne ko tuur thā

jab tak ki chashm-e-shauq meñ vahdat kā nuur thā

jis baam par nigāh paḌī koh-e-tūr thā

jitnī thī 'ājizī vo mujhī ko 'atā huī

baḳhshā ḳhudā ne aap ko jitnā ġhurūr thā

ai shor-e-hashr qahr kiyā kyuuñ jagā diyā

gosha mazār kā aañsū āġhosh-e-hūr thā

ek nīm-jāñ kā kaam na puurā huā 'amīr'

qātil ko teġh-e-nāz pe nāhaq ġhurūr thā

ai barq-e-husn-e-yar ye achchha zuhur tha

didar ko kalim the jalne ko tur tha

jab tak ki chashm-e-shauq mein wahdat ka nur tha

jis baam par nigah paDi koh-e-tur tha

jitni thi 'ajizi wo mujhi ko 'ata hui

baKHsha KHuda ne aap ko jitna ghurur tha

ai shor-e-hashr qahr kiya kyun jaga diya

gosha mazar ka aansu aaghosh-e-hur tha

ek nim-jaan ka kaam na pura hua 'amir'

qatil ko tegh-e-naz pe nahaq ghurur tha