rahe wo jaan-e-jahan ye jahan rahe na rahe

rahe vo jān-e-jahāñ ye jahāñ rahe na rahe

makīñ kī ḳhair ho yārab makāñ rahe na rahe

ḳhudā ke vāste kalima butoñ kā paḌh zāhid

phir iḳhtiyār meñ ġhāfil zabāñ rahe na rahe

ḳhizāñ to ḳhair se guzrī chaman meñ bulbul ko

bahār aa.ī hai ab āshiyāñ rahe na rahe

chalā huuñ kūcha-e-qātil ko sar ke bal dekhūñ

ye haal dam kā dam-e-imtihāñ rahe na rahe

taḌap rahī jo yahī dil ke ba.ad marne ke

zamīn-e-gor-tah-e-āsmāñ rahe na rahe

shab-e-visāl ġhanīmat hai phir ḳhudā jaane

ki sub.h ko vo qamar mehrbāñ rahe na rahe

'amīr' jam.a haiñ ahbāb dard-e-dil kah lo

phir iltifāt dil-e-dostāñ re na rahe

rahe wo jaan-e-jahan ye jahan rahe na rahe

makin ki KHair ho yarab makan rahe na rahe

KHuda ke waste kalima buton ka paDh zahid

phir iKHtiyar mein ghafil zaban rahe na rahe

KHizan to KHair se guzri chaman mein bulbul ko

bahaar aai hai ab aashiyan rahe na rahe

chala hun kucha-e-qatil ko sar ke bal dekhun

ye haal dam ka dam-e-imtihan rahe na rahe

taDap rahi jo yahi dil ke baad marne ke

zamin-e-gor-tah-e-asman rahe na rahe

shab-e-visal ghanimat hai phir KHuda jaane

ki subh ko wo qamar mehrban rahe na rahe

'amir' jama hain ahbab dard-e-dil kah lo

phir iltifat dil-e-dostan re na rahe