KHabar hai nash pe kis be-wafa ke aane ki

ḳhabar hai na.ash pe kis be-vafā ke aane kī

ki jaan abhī se hai mushtāq jā ke aane kī

nikālte haiñ vo vo maañg aur dil ye kahtā hai

nikal rahī hai saḌak pe balā ke aane kī

shigāf siine meñ haiñ phir hai kyuuñ taḌap ai dil

darīchiyāñ to khulī haiñ havā ke aane kī

vo bār-bār nigāheñ idhar jo karte haiñ

dikhāte haiñ mujhe galiyāñ qazā ke aane kī

shab-e-visāl meñ us shoḳh ko pilā ke sharāb

maiñ rāheñ rok rahā huuñ hayā ke aane kī

hazār barq ne chal-phir ke mashq kī lekin

adā na tire muskurā ke aane ke

ye vaz’ mujh ko nahīñ hai pasand jaao bhī

adā nikālī hai tevar sī chaḌhā ke aane kī

na chuuk vaqt ko pākar ki hai ye vo ma’ashūq

kabhī ummīd nahīñ jis se jā ke aane kī

ghaTā meñ barq jo chamkī to yaad aa.ī 'amīr'

adā kisī kī vo parda uThā ke aane kī

KHabar hai nash pe kis be-wafa ke aane ki

ki jaan abhi se hai mushtaq ja ke aane ki

nikalte hain wo wo mang aur dil ye kahta hai

nikal rahi hai saDak pe bala ke aane ki

shigaf sine mein hain phir hai kyun taDap ai dil

darichiyan to khuli hain hawa ke aane ki

wo bar-bar nigahen idhar jo karte hain

dikhate hain mujhe galiyan qaza ke aane ki

shab-e-visal mein us shoKH ko pila ke sharab

main rahen rok raha hun haya ke aane ki

hazar barq ne chal-phir ke mashq ki lekin

ada na tere muskura ke aane ke

ye waz’ mujh ko nahin hai pasand jao bhi

ada nikali hai tewar si chaDha ke aane ki

na chuk waqt ko pakar ki hai ye wo ma’ashuq

kabhi ummid nahin jis se ja ke aane ki

ghaTa mein barq jo chamki to yaad aai 'amir'

ada kisi ki wo parda uTha ke aane ki