خبر ہے نعش پہ کس بے وفا کے آنے کی

خبر ہے نعش پہ کس بے وفا کے آنے کی

کہ جان ابھی سے ہے مشتاق جا کے آنے کی

نکالتے ہیں وہ وہ مانگ اور دل یہ کہتا ہے

نکل رہی ہے سڑک پہ بلا کے آنے کی

شگاف سینے میں ہیں پھر ہے کیوں تڑپ اے دل

درپچیاں تو کھلی ہیں ہوا کے آنے کی

وہ بار بار نگاہیں ادھر جو کرتے ہیں

دکھاتے ہیں مجھے گلیاں قضا کے آنے کی

شب وصال میں اس شوخ کو پلا کے شراب

میں راہیں روک رہا ہوں حیا کے آنے کی

ہزار برق نے چل پھر کے مشق کی لیکن

ادا نہ ترے مسکرا کے آنے کے

یہ وضع مجھ کو نہیں ہے پسند جاؤ بھی

ادا نکالی ہے تیور سی چڑھا کے آنے کی

نہ چوک وقت کو پا کر کہ ہے یہ وہ معشوق

کبھی امید نہیں جس سے جا کے آنے کی

گھٹا میں برق جو چمکی تو یاد آئی امیرؔ

ادا کسی کی وہ پردہ اٹھا کے آنے کی