میں پرانا مست ہوں جنت میرا کاشانہ تھا

میں پرانا مست ہوں جنت میرا کاشانہ تھا

حور ساقی چشمہ کوثر مرا پیمانہ تھا

دی گئی منصور کو سولی ادب کے ترک پر

تھا انا الحق حق مگر اک لفظ گستا خانہ تھا

یار ادھر بدمست میں بے خود تکلف بر طرف

ایسی صحبت میں جو آتا ہوش کیا دیوانہ تھا

واں نگاہِ تیز تیز اور یاں تھیں آہیں درد خیز

وصل کی شب اس طرف آنسو ادھر افسانہ تھا

جام جام کو دیکھتے ہی میں نے پہچانا امیرؔ

میرے ہی میخانہ کا چھوٹا سا اک پیمانہ تھا