main purana mast hun jannat mera kashana tha

maiñ purānā mast huuñ jannat merā kāshāna thā

huur saaqī chashma-e-kausar mirā paimāna thā

dī ga.ī mansūr ko suulī adab ke tark par

thā anal-haq haq magar ik lafz gustāḳhāna thā

yaar idhar badmast maiñ be-ḳhud takalluf bartaraf

aisī sohbat meñ jo aatā hosh kyā dīvāna thā

vaañ nigāh-e-tez-tez aur yaañ thiiñ aaheñ dard-ḳhez

vasl kī shab is taraf aañsū udhar afsāna thā

jām-e-jam ko dekhte hī maiñ ne pahchānā 'amīr'

mere hī mai-ḳhāna kā chhoTā sā ik paimāna thā

main purana mast hun jannat mera kashana tha

hur saqi chashma-e-kausar mera paimana tha

di gai mansur ko suli adab ke tark par

tha anal-haq haq magar ek lafz gustaKHana tha

yar idhar badmast main be-KHud takalluf bartaraf

aisi sohbat mein jo aata hosh kya diwana tha

wan nigah-e-tez-tez aur yan thin aahen dard-KHez

wasl ki shab is taraf aansu udhar afsana tha

jam-e-jam ko dekhte hi main ne pahchana 'amir'

mere hi mai-KHana ka chhoTa sa ek paimana tha