ye gali jo ai dilruba mil rahi hai

ye gaalī jo ai dilrubā mil rahī hai

du'ā dī thī us kī sazā mil rahī hai

lagā chāhtī hai koī aag taaza

sharārat se un kī hayā mil rahī hai

bharī zahr se haiñ 'iyādat kī bāteñ

marīzoñ ko achchhī davā mil rahī hai

gale par jo ruk-ruk ke chaltā hai ḳhanjar

ye goyā qazā se adā mil rahī hai

bahār aa.ī hai chahchahāte haiñ bulbul

qayāmat sadā se sadā mil rahī hai

mirā dil vo talvaoñ se milte nahīñ haiñ

ye miTTī meñ merī vafā mil rahī hai

‘amīr’ ab kahāñ she'r meñ koī kāmil

rahī hai to ik bahr-e-kāmil rahi hai

ye gali jo ai dilruba mil rahi hai

du'a di thi us ki saza mil rahi hai

laga chahti hai koi aag taza

shararat se un ki haya mil rahi hai

bhari zahr se hain 'iyaadat ki baaten

marizon ko achchhi dawa mil rahi hai

gale par jo ruk-ruk ke chalta hai KHanjar

ye goya qaza se ada mil rahi hai

bahaar aai hai chahchahate hain bulbul

qayamat sada se sada mil rahi hai

mera dil wo talwaon se milte nahin hain

ye miTTi mein meri wafa mil rahi hai

‘amir’ ab kahan she'r mein koi kaamil

rahi hai to ek bahr-e-kaamil rahi hai