ek dil hamdam mere pahlu se kya jata raha

ek dil hamdam mire pahlū se kyā jaatā rahā

sab taḌapne tilmilāne kā mazā jaatā rahā

sab karishme the javānī ke javānī kyā ga.ī

vo umañgeñ miT ga.iiñ vo valvala jaatā rahā

dard baaqī ġham salāmat hai magar ab dil kahāñ

haa.e vo ġham-dost vo dard-āshnā jaatā rahā

aane vaalā jaane vaalā be-kasī meñ kaun thā

haañ magar ik dam ġharīb aatā rahā jaatā rahā

aañkh kyā hai mohnī hai sahar hai e.ajāz hai

ik nigāh-e-lutf meñ saarā gilā jaatā rahā

mar gayā maiñ jab to zālim ne kahā afsos aaj

haa.e zālim haa.e zālim kā mazā jaatā rahā

dard baaqī daaġh baaqī dil hī pahlū meñ nahīñ

rah ga.e nā-āshnā sab āshnā jaatā rahā

jhūTe va.adoñ se vo rāhat kā sahārā bhī gayā

vaa.e qismat yaas kā bhī aasrā jaatā rahā

be-takalluf nashsha-e-mai ne to un ko kar diyā

parda sharmīlī nigāhoñ kā mazā jaatā rahā

sharbat-e-dīdār se taskīn sī kuchh ho ga.ī

dekh lene se davā kā dard kyā jaatā rahā

mujh ko galiyoñ meñ jo dekhā chheḌ kar kahne lagā

kyuuñ miyāñ kyā DhūñDte phirte ho kyā jaatā rahā

niiñd bhī furqat meñ khā baiThī hai aane kī qasam

ḳhvāb meñ bhī dekhne kā aasrā jaatā rahā

jab talak tum the kashīda dil thā ashkoñ se bharā

tum gale se mil ga.e saarā gilā jaatā rahā

marg-e-dushman par kaf-e-afsos tum malte to ho

phir maloge haath lo rañg-e-hinā jaatā rahā

shaiḳh-jī haiñ aur shab-bhar duḳht-e-raz se iḳhtilāt

vo taqaddus ho chukā vo iltiqā jaatā rahā

shoḳhiyāñ rag rag meñ haiñ jamtā vahāñ kis kā hai rañg

aate aate haath meñ rañg-e-hinā jaatā rahā

haa.e vo sub.h-e-shab-e-vasl un kā kahnā sharm se

aap jab aa.e to dil se mudda.ā jaatā rahā

dil vahī āñkheñ vahī lekin javānī vo kahāñ

haa.e ab vo tāknā vo jhāñknā jaatā rahā

maiñ ne chhātī se lagā kar jis ko rakhā umr-bhar

haa.e vo nāzoñ kā paalā dil mirā jaatā rahā

ghūrte dekhā jo ham chashmoñ meñ jhuñjhlā kar kahā

kyā lihāz āñkhoñ kā bhī o be-hayā jaatā rahā

kyā burī shai hai javānī raat din hai taak jhāñk

Dar butoñ kā ik taraf ḳhauf-e-ḳhudā jaatā rahā

kho gayā dil kho gayā rahtā to kyā hotā 'amīr'

jaane do ik be-vafā jaatā rahā jaatā rahā

ek dil hamdam mere pahlu se kya jata raha

sab taDapne tilmilane ka maza jata raha

sab karishme the jawani ke jawani kya gai

wo umangen miT gain wo walwala jata raha

dard baqi gham salamat hai magar ab dil kahan

hae wo gham-dost wo dard-ashna jata raha

aane wala jaane wala be-kasi mein kaun tha

han magar ek dam gharib aata raha jata raha

aankh kya hai mohni hai sahar hai eajaz hai

ek nigah-e-lutf mein sara gila jata raha

mar gaya main jab to zalim ne kaha afsos aaj

hae zalim hae zalim ka maza jata raha

dard baqi dagh baqi dil hi pahlu mein nahin

rah gae na-ashna sab aashna jata raha

jhuTe wadon se wo rahat ka sahaara bhi gaya

wae qismat yas ka bhi aasra jata raha

be-takalluf nashsha-e-mai ne to un ko kar diya

parda sharmili nigahon ka maza jata raha

sharbat-e-didar se taskin si kuchh ho gai

dekh lene se dawa ka dard kya jata raha

mujh ko galiyon mein jo dekha chheD kar kahne laga

kyun miyan kya DhunDte phirte ho kya jata raha

nind bhi furqat mein kha baiThi hai aane ki qasam

KHwab mein bhi dekhne ka aasra jata raha

jab talak tum the kashida dil tha ashkon se bhara

tum gale se mil gae sara gila jata raha

marg-e-dushman par kaf-e-afsos tum malte to ho

phir maloge hath lo rang-e-hina jata raha

shaiKH-ji hain aur shab-bhar duKHt-e-raz se iKHtilat

wo taqaddus ho chuka wo iltiqa jata raha

shoKHiyan rag rag mein hain jamta wahan kis ka hai rang

aate aate hath mein rang-e-hina jata raha

hae wo subh-e-shab-e-wasl un ka kahna sharm se

aap jab aae to dil se muddaa jata raha

dil wahi aankhen wahi lekin jawani wo kahan

hae ab wo takna wo jhankna jata raha

main ne chhati se laga kar jis ko rakha umr-bhar

hae wo nazon ka pala dil mera jata raha

ghurte dekha jo hum chashmon mein jhunjhla kar kaha

kya lihaz aankhon ka bhi o be-haya jata raha

kya buri shai hai jawani raat din hai tak jhank

Dar buton ka ek taraf KHauf-e-KHuda jata raha

kho gaya dil kho gaya rahta to kya hota 'amir'

jaane do ek be-wafa jata raha jata raha