angDai par angDai leti hai raat judai ki

añgḌā.ī par añgḌā.ī letī hai raat judā.ī kī

tum kyā samjho tum kyā jaano baat mirī tanhā.ī kī

kaun siyāhī ghol rahā thā vaqt ke bahte dariyā meñ

maiñ ne aañkh jhukī dekhī hai aaj kisī harjā.ī kī

TuuT ga.e sayyāl nagīne phuuT bahe ruḳhsāroñ par

dekho merā saath na denā baat hai ye rusvā.ī kī

vasl kī raat na jaane kyuuñ isrār thā un ko jaane par

vaqt se pahle Duub ga.e tāroñ ne baḌī dānā.ī kī

uḌte uḌte aas kā panchhī duur ufuq meñ Duub gayā

rote-rote baiTh ga.ī āvāz kisī saudā.ī kī

angDai par angDai leti hai raat judai ki

tum kya samjho tum kya jaano baat meri tanhai ki

kaun siyahi ghol raha tha waqt ke bahte dariya mein

main ne aankh jhuki dekhi hai aaj kisi harjai ki

TuT gae sayyal nagine phuT bahe ruKHsaron par

dekho mera sath na dena baat hai ye ruswai ki

wasl ki raat na jaane kyun israr tha un ko jaane par

waqt se pahle Dub gae taron ne baDi danai ki

uDte uDte aas ka panchhi dur ufuq mein Dub gaya

rote-rote baiTh gai aawaz kisi saudai ki