ye jalwon ki masti ye ulfat ki baada nazar se pilane ki koshish na karna

ye jalvoñ kī mastī ye ulfat kī baada nazar se pilāne kī koshish na karnā

hameñ in adāoñ se be-ḳhud banā kar sharābī banāne kī koshish na karnā

ye rasm-e-chaman hai jo kal hañs rahe the vo phuul aaj murjhā ga.e haiñ chaman meñ

koī jā ke ma.asūm kaliyoñ se kah de yahāñ muskurāne kī koshish na karnā

mubārak hoñ tum ko ye dilkash nazāre tumhāre muqaddar meñ haiñ chāñd taare

mirī zindagī meñ haiñ aañsū hī aañsū mire paas aane kī koshish na karnā

tumheñ apnī qismat se jab ham ne māñgā to kānoñ meñ ye saaf āvāz aa.ī

muqaddar kī tahrīr miTtī nahīñ hai nasīb āzmāne kī koshish na karnā

mohabbat ke aañsū haiñ motī kī laḌiyāñ mubārak hoñ tujh ko judā.ī kī ghaḌiyāñ

ḳhabar-dār is ġham se ghabrā ke 'anvar' use bhuul jaane kī koshish na karnā

ye jalwon ki masti ye ulfat ki baada nazar se pilane ki koshish na karna

hamein in adaon se be-KHud bana kar sharabi banane ki koshish na karna

ye rasm-e-chaman hai jo kal hans rahe the wo phul aaj murjha gae hain chaman mein

koi ja ke masum kaliyon se kah de yahan muskurane ki koshish na karna

mubarak hon tum ko ye dilkash nazare tumhaare muqaddar mein hain chand tare

meri zindagi mein hain aansu hi aansu mere pas aane ki koshish na karna

tumhein apni qismat se jab hum ne manga to kanon mein ye saf aawaz aai

muqaddar ki tahrir miTti nahin hai nasib aazmane ki koshish na karna

mohabbat ke aansu hain moti ki laDiyan mubarak hon tujh ko judai ki ghaDiyan

KHabar-dar is gham se ghabra ke 'anwar' use bhul jaane ki koshish na karna