aam hain aaj bhi tere jalwe aur koi dekh sakta nahin hai

'aam haiñ aaj bhī tere jalve aur koī dekh saktā nahīñ hai

sab kī añkhoñ pe parda paḌā hai tere chehre pe parda nahīñ hai

soch lo dil lagāne se pahle log badnām kar deñge tum ko

pyaar ko chāhe jitnā chhupāo ye chhupāne se chhuptā nahīñ hai

log chalte haiñ kāñToñ se bach kar maiñ bachātā huuñ phūloñ se dāman

is qadar khaa.e haiñ maiñ ne dhoke ab kisī par bharosa nahīñ hai

kyā kaheñ haal qāsid se apnā dekhnā ho to aa jā.egā

aap rahte haiñ parde meñ lekin aap se koī parda nahīñ hai

ye 'aqīdat nahīñ hai to kyā hai ye mohabbat nahīñ hai to kyā hai

us par ham jaan dete haiñ 'anvar' jis ko āñkhoñ se dekhā nahīñ hai

'am hain aaj bhi tere jalwe aur koi dekh sakta nahin hai

sab ki ankhon pe parda paDa hai tere chehre pe parda nahin hai

soch lo dil lagane se pahle log badnam kar denge tum ko

pyar ko chahe jitna chhupao ye chhupane se chhupta nahin hai

log chalte hain kanTon se bach kar main bachata hun phulon se daman

is qadar khae hain main ne dhoke ab kisi par bharosa nahin hai

kya kahen haal qasid se apna dekhna ho to aa jaega

aap rahte hain parde mein lekin aap se koi parda nahin hai

ye 'aqidat nahin hai to kya hai ye mohabbat nahin hai to kya hai

us par hum jaan dete hain 'anwar' jis ko aankhon se dekha nahin hai