apni nigah-e-shauq ko roka karenge hum
apni nigah-e-shauq ko roka karenge hum
Maulana Abdul Qadeer Siddiqui
MORE BYMaulana Abdul Qadeer Siddiqui
apnī nigāh-e-shauq ko rokā kareñge ham
vo ḳhud kareñ nigāh to phir kyā kareñge ham
un kā tavāf aur unheñ sajda kareñge ham
jis tarh se bane unheñ apnā kareñge ham
dil kī tapish ko apnī bujhā.eñge is tarah
āñkhoñ se sail-e-ashk bahāyā kareñge ham
ḳhāna-ḳharāb 'ishq ne majbūr kar diyā
qaabū meñ dil na ho to bhalā kyā kareñge ham
josh-e-junūñ meñ chīḳheñge chillā.enge magar
lab par kisī kā naam na laayā kareñge ham
le chal harīm-e-nāz meñ ai zauq-e-bandagī
aaj unke ke pā-e-nāz pe sajda kareñge ham
ā.īna-rū ke sāmne ham ban ke ā.īna
hairāniyoñ kā ek tamāsha kareñge ham
'hasrat' vo mere haal se vāqif haiñ is la.e
ḳhāmosh un ke sāmne baiThā kareñge ham
apni nigah-e-shauq ko roka karenge hum
wo KHud karen nigah to phir kya karenge hum
un ka tawaf aur unhen sajda karenge hum
jis tarh se bane unhen apna karenge hum
dil ki tapish ko apni bujhaenge is tarah
aankhon se sail-e-ashk bahaya karenge hum
KHana-KHarab 'ishq ne majbur kar diya
qabu mein dil na ho to bhala kya karenge hum
josh-e-junun mein chiKHenge chillaenge magar
lab par kisi ka nam na laya karenge hum
le chal harim-e-naz mein ai zauq-e-bandagi
aaj unke ke pa-e-naz pe sajda karenge hum
aaina-ru ke samne hum ban ke aaina
hairaniyon ka ek tamasha karenge hum
'hasrat' wo mere haal se waqif hain is lae
KHamosh un ke samne baiTha karenge hum
- Book : Surood-e-Ruhani (Pg. 187)
- Edition : Second
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
